પશ્ચિમ બંગાળના મુખ્યમંત્રી શુભેન્દુ અધિકારીએ કહ્યું કે તેમની સરકાર રાજ્યમાં સમાન નાગરિક સંહિતા (UCC) લાગુ કરશે. લેન્ડ જિહાદ, લવ જિહાદ અને બળજબરીથી ધર્માંતરણ વિરુદ્ધ કડક કાયદો પણ લાવવામાં આવશે.
તેમણે કહ્યું કે જે લોકો ગેરકાયદેસર રીતે ભારતમાં આવ્યા છે. દેશની સંસ્કૃતિ કે રાષ્ટ્રીય સુરક્ષા વિરુદ્ધની ગતિવિધિઓમાં સામેલ છે, તેમને રાજ્યમાં રહેવા દેવામાં આવશે નહીં. ગેરકાયદેસર ઘૂસણખોરોની ઓળખ કરીને તેમને તેમના દેશ પાછા મોકલવામાં આવશે.
વંદે માતરમના 150 વર્ષ પૂરા થવા પર કોલકાતાના રવીન્દ્ર સદનમાં આયોજિત કાર્યક્રમ દરમિયાન શુભેન્દુએ આ વાતો કહી.
સરહદી સુરક્ષા મજબૂત કરવા માટે જરૂરી જમીન ઉપલબ્ધ કરાવવામાં આવી છે. સરહદી જિલ્લાઓમાં હોલ્ડિંગ સેન્ટર બનાવવામાં આવ્યા છે, જ્યાં ગેરકાયદેસર ઘૂસણખોરોની ઓળખ કરીને તેમને તેમના મૂળ સ્થાને મોકલવામાં આવશે.
ધાર્મિક ઉત્પીડનના કારણે ભારતમાં આવેલા હિંદુ શરણાર્થીઓ ઘૂસણખોરો નથી. આવા લોકોને નાગરિકતા સંશોધન કાયદા (CAA) હેઠળ ભારતીય નાગરિકતા આપવામાં આવશે.
સેનાના અપમાનની મંજૂરી નહીં- જે લોકો ભારતીય સેનાનું અપમાન કરે છે, ઓપરેશન સિંદૂરનો વિરોધ કરે છે અથવા પહેલગામ આતંકી હુમલા પર ચૂપ રહે છે, તેમને આવી પ્રવૃત્તિઓ કરવાની મંજૂરી આપવામાં આવશે નહીં.
શ્યામા પ્રસાદ મુખર્જીના ‘એક દેશ, એક વિધાન, એક પ્રધાન, એક નિશાન’ના વિચાર પ્રત્યે તેમની સરકાર પ્રતિબદ્ધ છે. સાથે જ બંગાળની સાંસ્કૃતિક ઓળખ અને રાષ્ટ્રીય ચારિત્ર્યને નબળું પડવા દેવામાં આવશે નહીં.