‘વેલકમ’ અને ‘આશિકી’ જેવી ફિલ્મોમાં પોતાના અભિનયથી ઓળખ બનાવનાર એક્ટર મુશ્તાક ખાનનું 56 વર્ષની વયે નિધન થયું છે.
તેઓ છેલ્લા લગભગ 15 દિવસથી મુંબઈની નાનાવતી હોસ્પિટલમાં દાખલ હતા, જ્યાં તેમણે આજે 24 સપ્ટેમ્બરે અંતિમ શ્વાસ લીધા.
મુશ્તાક ખાન છેલ્લા પાંચ વર્ષથી કેન્સરની બીમારી સામે ઝઝૂમી રહ્યા હતા. તેમના બિઝનેસ પાર્ટનર શિવમે આજતક સાથેની વાતચીતમાં તેમના નિધનની પુષ્ટિ કરી છે. તેમને 25 સપ્ટેમ્બરે મુંબઈમાં સુપુર્દ-એ-ખાક કરવામાં આવશે.
મુશ્તાક ખાનને લગભગ પાંચ વર્ષ પહેલાં કેન્સર હોવાનું નિદાન થયું હતું. સારવાર બાદ તેઓ સ્વસ્થ થઈ ગયા હતા, પરંતુ તાજેતરમાં આ બીમારી ફરી પાછી આવી હતી.
ત્યારબાદ તેમની તબિયત સતત બગડવા લાગી હતી. ગંભીર હાલતને ધ્યાનમાં રાખીને તેમને મુંબઈની નાનાવતી હોસ્પિટલમાં દાખલ કરવામાં આવ્યા હતા, જ્યાં ડૉક્ટરોની દેખરેખ હેઠળ તેમની સારવાર ચાલી રહી હતી.
મુશ્તાક ખાનના બિઝનેસ પાર્ટનર શિવમે માહિતી આપી કે ગુરુવારે હોસ્પિટલમાં સારવાર દરમિયાન તેમણે દુનિયાને અલવિદા કહી દીધું. તેમના નિધનથી તેમના પરિવાર અને ફિલ્મ જગતના સાથીદારોમાં શોકનું વાતાવરણ છે.