સતત બે મહિનાની વેચવાલી બાદ વિદેશી પોર્ટફોલિયો રોકાણકારો (FPIs) ફરી એકવાર ભારતીય શેરબજારમાં ખરીદદાર બની ગયા છે. વિદેશી રોકાણકારોએ નવેમ્બરના શરૂઆતના 13 દિવસોમાં થયેલા 9 કારોબારી સત્રોમાં ભારતીય બજારમાં 84,290 કરોડ રૂપિયાનું રોકાણ કર્યું છે.
આ ખરીદારીના કારણે બેન્ચમાર્ક ઇન્ડેક્સ નિફ્ટી 25,000ના સ્તરથી ઉપર પહોંચી ગયો છે. વૈશ્વિક સ્તરે આર્ટિફિશિયલ ઇન્ટેલિજન્સ (AI) સાથે જોડાયેલા શેરોમાં વેચવાલી અને કાચા તેલના ભાવમાં ઘટાડાને કારણે વિદેશી રોકાણકારોનો વલણ બદલાયો છે.
ડિપોઝિટરીના આંકડા મુજબ, વિદેશી રોકાણકારોએ 2 નવેમ્બરથી 13 નવેમ્બર વચ્ચેના 9 ટ્રેડિંગ સત્રોમાં 84,290 કરોડ રૂપિયાના શેર ખરીદ્યા છે. આ પહેલાં સતત બે મહિના સુધી તેમણે બજારમાંથી નાણાં પાછાં ખેંચ્યાં હતાં.