ભારતની પીવી સિંધુને ફ્રેન્ચ ઓપન બેડમિન્ટનની ફાઇનલમાં હારનો સામનો કરવો પડ્યો. રવિવારે રમાયેલી મેચમાં તેને વર્લ્ડ નંબર-1 દક્ષિણ કોરિયાની એન સેએ યંગે 16-21, 21-11, 21-12થી હરાવી. આ જીત સાથે યંગે સતત ત્રીજી વખત ફ્રેન્ચ ઓપનનું ટાઇટલ પોતાના નામે કર્યું.
સિંધુએ પહેલી ગેમ જીતીને સારી શરૂઆત કરી હતી, પરંતુ ત્યારબાદના બંને ગેમ હારી ગઈ. એન સામે આ તેની સતત 11મી હાર છે.
સિંધુ માટે નિર્ણાયક ગેમમાં કમબેક કરવું મુશ્કેલ રહ્યું. એનએ બીજા ગેમમાં 21-11 અને ત્રીજા ગેમમાં 21-12થી જીત નોંધાવી. આ રીતે ભારતીય ખેલાડીને ટાઇટલ મુકાબલામાં હારનો સામનો કરવો પડ્યો.
સિંધુએ સેમિફાઇનલમાં જાપાનની હિના અકેચીને હરાવીને ફાઇનલમાં સ્થાન બનાવ્યું હતું. 2026માં આ તેની બીજી સુપર 750 ફાઇનલ હતી. જુલાઈમાં તેણે જાપાન ઓપનનું ટાઇટલ જીત્યું હતું.
સિંધુએ લીડ મેળવી
સિંધુએ આક્રમક શોટ્સ અને પોતાની લાંબી પહોંચનો સારો ઉપયોગ કર્યો. તેણે 20 મિનિટમાં પ્રથમ ગેમ 21-16થી જીતીને લીડ મેળવી.
સાઇડ બદલ્યા બાદ યંગે બીજી ગેમમાં ઝડપી શરૂઆત કરી અને સિંધુ પર દબાણ બનાવ્યું. ભારતીય ખેલાડીની ભૂલોનો લાભ ઉઠાવીને તેણે ગેમ જીતીને મુકાબલો 1-1થી બરાબર કરી દીધો.