ભારત 9 વર્ષ પછી શ્રીલંકામાં ટેસ્ટ સિરીઝ રમશે. ટીમ 15 ઑગસ્ટથી શ્રીલંકા પ્રવાસની શરૂઆત કરશે. 2017માં વિરાટ કોહલીની આગેવાની હેઠળ ભારતીય ટીમે શ્રીલંકાને ટેસ્ટ સિરીઝમાં ક્લીન સ્વીપ કર્યું હતું.
શુભમન ગિલની કેપ્ટનશીપમાં ટીમ બે ટેસ્ટ મેચ રમશે. પ્રથમ ટેસ્ટ ગોલમાં રમાઈ શકે છે. જ્યારે બીજી ટેસ્ટ 23 ઑગસ્ટથી કોલંબોમાં થઈ શકે છે. આ સિરીઝ વર્લ્ડ ટેસ્ટ ચેમ્પિયનશિપ 2025-27નો ભાગ હશે.
3 T20 મેચ પણ થઈ શકે છે
ટેસ્ટ સિરીઝ ઉપરાંત ભારત અને શ્રીલંકા વચ્ચે 3 T20 મેચ પણ રમાઈ શકે છે. ક્રિકબઝ અનુસાર, BCCI સેક્રેટરી દેવજીત સૈકિયાએ તાજેતરમાં જ કહ્યું હતું કે શ્રીલંકા ક્રિકેટ બોર્ડ સાથે ત્રણ મેચની વાત થઈ છે.
શ્રીલંકા પ્રીમિયર લીગ (LPL) 9 ઑગસ્ટે સમાપ્ત થવાની છે. આવી સ્થિતિમાં, ટેસ્ટ સિરીઝ પછી T20 મેચ કરાવવા વધુ સરળ માનવામાં આવી રહ્યું છે.