ગયા અઠવાડિયે શેરબજારમાં તેજીના કારણે દેશની ટોપ-10 સૌથી વેલ્યુએબલ કંપનીઓમાંથી 8ના માર્કેટ કેપિટલાઇઝેશનમાં ₹1.90 લાખ કરોડનો વધારો નોંધાયો છે. આ સમયગાળા દરમિયાન, પ્રાઇવેટ સેક્ટરની ICICI બેંકે સૌથી વધુ નફો કમાવ્યો અને તે યાદીમાં ટોચ પર રહી.
ICICI બેંકનું વેલ્યુએશન સૌથી વધુ ₹56,223 કરોડ વધીને કુલ ₹9.61 લાખ કરોડ પર પહોંચી ગયું. HDFC બેંકનું માર્કેટ કેપ ₹38,571 કરોડ વધીને ₹11.89 લાખ કરોડ પર પહોંચી ગયું છે.
આ ઉપરાંત, SBI, બજાજ ફાઇનાન્સ, ભારતી એરટેલ, લાર્સન એન્ડ ટુબ્રો, હિન્દુસ્તાન યુનિલિવર અને રિલાયન્સ ઇન્ડસ્ટ્રીઝનું મૂલ્ય પણ વધ્યું છે. જ્યારે TCS અને LICનું માર્કેટ વેલ્યુ ગયા અઠવાડિયે ઘટ્યું છે.
ગયા અઠવાડિયાના કારોબાર પછી, હવે વેલ્યુએશનના મામલે રિલાયન્સ ઇન્ડસ્ટ્રીઝ પ્રથમ સ્થાને યથાવત છે. ત્યારબાદ HDFC બેંક, ભારતી એરટેલ, ICICI બેંક, સ્ટેટ બેંક ઓફ ઇન્ડિયા, TCS, બજાજ ફાઇનાન્સ, લાર્સન એન્ડ ટુબ્રો, હિન્દુસ્તાન યુનિલિવર અને LICનો નંબર આવે છે.