ચક્રવાતી વાવાઝોડું ‘અર્નબ’ વિશાખાપટ્ટનમ નજીક લૅન્ડફૉલ કરવાનું શરૂ કરી ચૂક્યું છે. તેની પ્રક્રિયા લગભગ ત્રણ કલાક સુધી ચાલશે. લૅન્ડફૉલ સમયે પવનની ઝડપ 125-135 કિમી પ્રતિ કલાક રહી હતી, જે વધીને 150 કિમી પ્રતિ કલાક સુધી પહોંચવાની આશંકા છે. આને ધ્યાનમાં રાખીને આંધ્ર પ્રદેશ અને ઓડિશાએ લગભગ 4,000 ચક્રવાત આશ્રયસ્થાનો બનાવ્યાં છે.
હજારો લોકોને સુરક્ષિત સ્થળોએ પહોંચાડવામાં આવ્યા છે. આ ઉપરાંત, રેલવેએ 50 ટ્રેનો રદ કરી દીધી છે. તેમજ વિજયવાડા અને વિશાખાપટ્ટનમ એરપોર્ટ પર 21 ફ્લાઇટ્સ રદ કરવામાં આવી છે.
ઓડિશામાં મંગળવારથી જ ભારે વરસાદ પડી રહ્યો છે. તેના કારણે રાજ્યના 16 જિલ્લાઓમાં શાળાઓ બંધ કરી દેવામાં આવી છે. 30,000થી વધુ લોકોને સુરક્ષિત સ્થળોએ પહોંચાડવામાં આવ્યા છે.
વાવાઝોડાની અસર પૂર્વોત્તર ભારતથી લઈને દક્ષિણ ભારત સુધી રહેશે. એટલે કે મધ્ય પ્રદેશ, મહારાષ્ટ્ર, છત્તીસગઢ, બિહાર અને ઉત્તર પ્રદેશ સુધી વરસાદ પડશે. ઝારખંડ, વિદર્ભ અને તેલંગાણામાં યલો એલર્ટ છે.
આસામ, મેઘાલય, નાગાલેન્ડ, મણિપુર, મિઝોરમ, ત્રિપુરા, બિહાર, બંગાળ, પૂર્વ મધ્ય પ્રદેશ, રાયલસીમા, કર્ણાટક, મરાઠવાડા, મહારાષ્ટ્ર, હરિયાણા, ચંદીગઢ અને દિલ્હીમાં પણ વરસાદનું યલો એલર્ટ છે.