ખાડી સહયોગ પરિષદ (GCC) એ બુધવારે કુવૈત અને બહેરીન પર થયેલા હુમલાઓને લઈને ઈરાનની આકરી ટીકા કરી. સંગઠને આ હુમલાઓને કાયરતાપૂર્ણ ગણાવતા કહ્યું કે આનાથી ક્ષેત્રમાં તણાવ વધુ વધી ગયો છે.
GCCના મહાસચિવ જાસિમ મોહમ્મદ અલબુદૈવીએ જણાવ્યું કે ઈરાન સતત એવા પગલાં ભરી રહ્યું છે જે ખાડી દેશોની સુરક્ષા, સ્થિરતા અને સાર્વભૌમત્વ માટે ખતરો છે.
તેમણે આરોપ લગાવ્યો કે ઈરાનના તાજેતરના હુમલા આંતરરાષ્ટ્રીય કાયદા, સંયુક્ત રાષ્ટ્રના નિયમો અને આંતરરાષ્ટ્રીય ધોરણોનું ઉલ્લંઘન છે. આવા પગલાંને રોકવા માટે આંતરરાષ્ટ્રીય સમુદાયે કડક વલણ અપનાવવું જોઈએ.
ખાડી સહયોગ પરિષદ એટલે કે GCCમાં કુવૈત, કતાર, સાઉદી અરેબિયા, બહેરીન, ઓમાન અને UAE સામેલ છે. બીજી તરફ, અમેરિકી રાષ્ટ્રપતિ ટ્રમ્પે કહ્યું કે ઈરાન વિરુદ્ધ કાર્યવાહીનો નિર્ણય તેમણે જાતે લીધો હતો.
તેમણે એ વાતનો ઇનકાર કર્યો કે ઈઝરાઈલના વડાપ્રધાન બેન્જામિન નેતન્યાહુએ તેમને આવું કરવા માટે પ્રભાવિત કર્યા હતા. એક પોડકાસ્ટમાં વાતચીત દરમિયાન ટ્રમ્પે કહ્યું, કોઈએ મને બહેકાવ્યો નથી. આ નિર્ણય મારો પોતાનો હતો.