ઈરાનની રાજધાની તેહરાનના આકાશમાં અલગ-અલગ રંગોની લાઇટ ધરાવતો એક ઑબ્જેક્ટ જોવા મળ્યો હોવાનો દાવો કરવામાં આવ્યો છે. સોશિયલ મીડિયા પર તેના અનેક વીડિયો સામે આવ્યા છે. લોકો દાવો કરી રહ્યા છે કે આ UFO હોઈ શકે છે.
50 વર્ષ પહેલાં 19 સપ્ટેમ્બર 1976ના રોજ પણ તેહરાનના આકાશમાં આવો જ એક ચમકદાર ઑબ્જેક્ટ દેખાયો હોવાની ઘટના સામે આવી હતી. આ ઑબ્જેક્ટની તપાસ માટે ઈરાને F-4 ફાઇટર જેટ મોકલ્યા હતા.
રિપોર્ટ મુજબ, એક ફાઇટર જેટ જ્યારે ઑબ્જેક્ટની નજીક પહોંચ્યું ત્યારે તેની કેટલીક સિસ્ટમ્સે કામ કરવાનું બંધ કરી દીધું હતું. પાઇલટ પાછળ હટ્યો ત્યારે સિસ્ટમ ફરી સામાન્ય થઈ ગઈ.
સત્તાવાર રેકોર્ડમાં એ સાબિત થયું નથી કે તે વસ્તુ આખરે શું હતી. બાદમાં UFO પર સંશોધન કરતા લોકો વચ્ચે આ ઘટના ઘણી ચર્ચિત બની ગઈ.