ઇઝરાયલના વડાપ્રધાન બેન્જામિન નેતન્યાહુએ શુક્રવારે જણાવ્યું કે તેમને પ્રોસ્ટેટ કેન્સર થયું હતું. તેમણે રેડિયેશન થેરાપીથી તેની ગુપ્ત રીતે સારવાર કરાવી. લગભગ બે મહિના સુધી આ બીમારીને સાર્વજનિક કરવામાં આવી ન હતી અને હવે સારવાર પૂરી થયા પછી માહિતી આપવામાં આવી છે.
76 વર્ષીય નેતન્યાહુએ કહ્યું કે આ પહેલીવાર છે જ્યારે તેમને કેન્સર હોવાનું નિદાન થયું. તેમણે એમ પણ જણાવ્યું કે આ વર્ષે તેમણે પોતાની મેડિકલ રિપોર્ટ જાહેર કરવામાં જાણી જોઈને વિલંબ કર્યો, જેથી ઈરાન યુદ્ધ દરમિયાન તેનો ઈઝરાયલ વિરુદ્ધ પ્રચાર તરીકે ઉપયોગ ન કરી શકે. આ માહિતી તેમણે સોશિયલ મીડિયા પોસ્ટમાં આપી.
નેતન્યાહુના જણાવ્યા અનુસાર, ડિસેમ્બર 2024માં તેમનું પ્રોસ્ટેટ વધવાને કારણે ઓપરેશન થયું હતું. આ પછી તેઓ નિયમિત તપાસ કરાવતા રહ્યા. તાજેતરની તપાસમાં પ્રોસ્ટેટમાં એક સેન્ટિમીટરથી નાનો એક ટ્યુમર મળ્યો, જે પ્રારંભિક તબક્કાનું મેલિગ્નન્ટ કેન્સર હતું અને શરીરના અન્ય ભાગોમાં ફેલાયું ન હતું.