સપ્તાહના છેલ્લા ટ્રેડિંગ દિવસે, એટલે કે શુક્રવારના રોજ શેરબજારે ઓલટાઇમ હાઇ પર રહ્યું હતું. ટ્રેડિંગ દરમિયાન સેન્સેક્સ 72,720 અને નિફ્ટી 21,928ના સ્તરે પહોંચી ગયા હતા. હાલમાં સેન્સેક્સ 900થી વધુ પોઈન્ટના ઉછાળા પછી ઓલટાઇમ હાઇની નજીક ટ્રેડ થયો હતો.
માર્કેટમાં આ વધારો IT સેક્ટરમાં મજબૂત ખરીદીને કારણે થયો છે. નિફ્ટી આઈટી ઈન્ડેક્સ 5%થી વધુના વધારા સાથે ટ્રેડ થયો હતો છે. FY24નાં Q3 પરિણામો પછી લગભગ 8% વધીને ઇન્ફોસિસના શેર રૂ. 1,610ની આસપાસ ટ્રેડ થઈ રહ્યા છે, જ્યારે TCS 4% વધીને 3890ની આસપાસ ટ્રેડ કરી રહ્યો હતો. બેંક શેરોમાં પણ ખરીદી જોવા મળી હતી.
IT કંપની Tata Consultancy Services (TCS) અને ઇન્ફોસિસે ગઈકાલે એટલે કે 11 જાન્યુઆરીના રોજ Q3FY24 એટલે કે નાણાકીય વર્ષ 2024ના ત્રીજા ત્રિમાસિક ગાળાનાં પરિણામો જાહેર કર્યા હતા. ઓક્ટોબર-ડિસેમ્બર ક્વાર્ટરમાં TCSનો ચોખ્ખો નફો રૂ. 11,058 કરોડ હતો, જે વાર્ષિક ધોરણે લગભગ 2% વધુ છે. ગયા વર્ષના સમાન ક્વાર્ટરમાં કંપનીનો ચોખ્ખો નફો રૂ. 10,846 કરોડ હતો.
જ્યારે ઈન્ફોસિસનો ચોખ્ખો નફો વાર્ષિક ધોરણે 7.3% ઘટીને રૂ. 6,106 કરોડ થયો છે. ગયા વર્ષના સમાન ક્વાર્ટરમાં ઈન્ફોસિસે રૂ. 6,586 કરોડનો નફો કર્યો હતો.
પરિણામો જાહેર કરવાની સાથે TCSએ ડિવિડન્ડની જાહેરાત કરી છે. કંપની શેરધારકોને શેરદીઠ રૂ. 9નું વચગાળાનું ડિવિડન્ડ અને રૂ. 18 પ્રતિ શેરનું વિશેષ ડિવિડન્ડ આપશે, એટલે કે તે શેરદીઠ કુલ રૂ. 27નું ડિવિડન્ડ આપશે.