એક્ટ્રેસ અને રાજકારણી ખુશ્બુ સુંદર અને ફિલ્મમેકર સુંદર સીની મોટી દીકરી અવંતિકા સુંદર લગ્નના બંધનમાં બંધાઈ ગઈ છે. તેણે 25 જૂને ગોવાના એક લક્ઝરી રિસોર્ટમાં શ્રવણ શ્રીનિવાસન સાથે સાત ફેરા લીધા. આ લગ્નમાં સાઉથ ફિલ્મ ઇન્ડસ્ટ્રી અને બોલિવૂડના ઘણા મોટા કલાકારો હાજર રહ્યા.
સોશિયલ મીડિયા પર લગ્નના ઘણા વીડિયો સામે આવ્યા છે, જેમાં ચિરંજીવી, નાગાર્જુન, અનિલ કપૂર, વેંકટેશ અને જેકી શ્રોફ જેવા કલાકારો એકસાથે જોવા મળી રહ્યા છે. એક્ટ્રેસ ત્રિશા કૃષ્ણન પણ લગ્નમાં હાજર રહી. ખુશ્બુ સુંદરે આ લગ્ન માટે વડાપ્રધાન નરેન્દ્ર મોદી અને તમિલનાડુના મુખ્યમંત્રી વિજયને પણ આમંત્રણ મોકલ્યું હતું.
આ લગ્ન દ્વારા સિનેમા જગતના દિગ્ગજ કલાકારોનું એક મોટું ગેટ-ટુગેધર જોવા મળ્યું. એક વીડિયોમાં ચિરંજીવી અને જેકી શ્રોફ એકબીજા સાથે વાતચીત કરતા જોવા મળી રહ્યા છે. જ્યારે અન્ય એક ક્લિપમાં ચિરંજીવી, જેકી શ્રોફ, વેંકટેશ, અનિલ કપૂર અને નાગાર્જુન એકસાથે બેસીને હસતા-મજાક કરતા અને એકબીજાની તસવીરો ખેંચતા જોવા મળ્યા.
એક્ટ્રેસ ત્રિશા કૃષ્ણન પણ લગ્નમાં હાજર રહી. તે ગોલ્ડન સાડી અને ડાયમંડ નેકલેસમાં પહેલી હરોળમાં બેસીને ચિરંજીવી અને તેમની પત્ની સાથે વાત કરતા જોવા મળ્યા.