સર્જરીના 5 વર્ષ પછી મહિલાના પેટમાં સર્જિકલ ટૂલ (આર્ટરી ફોર્સેપ્સ) મળવાનો કિસ્સો સામે આવ્યો છે. કેરળના અલાપ્પુઝાના પુન્નપ્રા ગામની રહેવાસી ઉષા જોસેફ (51)ના પેટમાંથી ટૂલ મળ્યું છે.
ઉષાના પુત્ર શિબિને જણાવ્યું કે માતાની મે 2021માં અલાપ્પુઝા મેડિકલ કોલેજમાં ગર્ભાશયની ગાંઠની સર્જરી થઈ હતી. આ પછી તેઓ ઘરે આવી ગયા હતા, પરંતુ તેમના પેટમાં સતત દુખાવો રહેતો હતો.
શિબિનના કહેવા મુજબ માતાના પેટના દુખાવાની સારવાર સતત ચાલી રહી હતી. અમને લાગ્યું કે ક્યાંક કિડનીમાં સ્ટોન તો નથી ને, તેથી તેમનો એક્સ-રે કરાવ્યો. તેમના પેટમાં આર્ટરી ફોર્સેપ્સ (નાની રક્તવાહિનીઓને પકડવાનું ટૂલ) દેખાયું.
શિબિને કહ્યું કે અમે એક્સ-રે રિપોર્ટ લઈને મેડિકલ કોલેજ પહોંચ્યા. ત્યાંના ડોકટરોએ માતાના પેટમાંથી સર્જરી કરીને ટૂલ કાઢવાની વાત કહી. પરંતુ હવે માતાને કોચીની ખાનગી હોસ્પિટલમાં દાખલ કરવામાં આવ્યા છે.
શિબિને જણાવ્યું કે મેડિકલ કોલેજના ડોકટરોએ આ મામલે વળતર આપવાનો ઇનકાર કર્યો છે. હું હવે પોલીસમાં હોસ્પિટલ મેનેજમેન્ટ વિરુદ્ધ FIR નોંધાવીશ. મેડિકલ કોલેજના સર્જન ડો. લલિતામ્બિકા (હાલમાં નિવૃત્ત)એ માતાની સર્જરી માટે પૈસા પણ લીધા હતા.