પુષ્ય નક્ષત્ર પહેલાં જ સોના-ચાંદીએ ફરી રેકોર્ડ તોડ્યો

પુષ્ય નક્ષત્રના એક દિવસ પહેલાં 13 ઓક્ટોબરે સોના અને ચાંદીના ભાવ સર્વોચ્ચ સ્તરે પહોંચ્યા હતા. ઈન્ડિયા બુલિયન એન્ડ જ્વેલર્સ એસોસિયેશન (IBJA) અનુસાર, 24 કેરેટ સોનાના 10 ગ્રામનો ભાવ ₹2,244 વધીને ₹ 1,23,769 થયો છે. શુક્રવારે અગાઉ એ ₹1,21,525 હતો. અમદાવાદમાં 24 કેરેટ 10 ગ્રામ સોનાનો ભાવ ₹1,25,450 થયો છે.

આ દરમિયાન ચાંદીના ભાવ એક જ દિવસમાં ₹8,625 વધીને ₹1,73,125 પ્રતિ કિલો થયો છે. શુક્રવારે ચાંદીનો ભાવ ₹1,64,500 હતો

ગોલ્ડમેન સૅક્સના હાલના અહેવાલ મુજબ, બેંકે આવતા વર્ષ સુધીમાં સોનાનો ભાવ પ્રતિ ઔંસ $5,000 રાખવાનો લક્ષ્યાંક રાખ્યો છે. રૂપિયાની દૃષ્ટિએ, વર્તમાન એક્સચેન્જ દરે આ ભાવ પ્રતિ 10 ગ્રામ આશરે ₹155,000 થશે. બ્રોકરેજ ફર્મ પીએલ કેપિટલના ડિરેક્ટર સંદીપ રાયચુરાએ જણાવ્યું હતું કે સોનું પ્રતિ 10 ગ્રામ ₹144,000 સુધી પહોંચી શકે છે.