નેપાળ બાદ, આફ્રિકન દેશ મેડાગાસ્કરમાં પણ GenZ વિરોધને કારણે બળવો થયો છે. રોઇટર્સના અહેવાલ મુજબ, વિપક્ષી પક્ષનો દાવો છે કે રાષ્ટ્રપતિ એન્ડ્રી રાજોએલિના દેશ છોડીને ભાગી ગયા છે.
સંસદમાં વિપક્ષી નેતા, સિતેની રાન્ડ્રિયાના સોલોનિકોએ જણાવ્યું હતું કે સેનાએ વિરોધીઓને ટેકો આપ્યા બાદ રાષ્ટ્રપતિ રવિવારે દેશ છોડીને ભાગી ગયા હતા. હાલમાં તેઓ ક્યાં છે તેની જાણકારી મળી શકી નથી.
પાણી અને વીજળીની અછતને કારણે 25 સપ્ટેમ્બરના રોજ મેડાગાસ્કરમાં રાષ્ટ્રવ્યાપી વિરોધ પ્રદર્શનો શરૂ થયા હતા.
અગાઉ, રાષ્ટ્રપતિ કાર્યાલયે કહ્યું હતું કે રાષ્ટ્રપતિ રાજોલીના સોમવારે રાત્રે 9:30 વાગ્યે (ભારતીય સમય) રાષ્ટ્રને સંબોધિત કરશે.
ફ્રેન્ચ લશ્કરી વિમાને ઉડાન ભરી
એક લશ્કરી સૂત્રએ રોઇટર્સને જણાવ્યું હતું કે, રાજોલીના રવિવારે ફ્રેન્ચ લશ્કરી વિમાનમાં દેશ છોડીને ગયા હતા. ફ્રેન્ચ રેડિયો RFI એ જણાવ્યું હતું કે તેઓએ રાષ્ટ્રપતિ ઇમેન્યુઅલ મેક્રોન સાથે કરાર કર્યો હતો.
સૂત્રએ જણાવ્યું હતું કે, ફ્રેન્ચ સૈન્યનું એક CASA વિમાન રવિવારે મેડાગાસ્કરના સેન્ટ મેરી એરપોર્ટ પર ઉતર્યું હતું.