વિશ્વના સૌથી શક્તિશાળી રોકેટ, સ્ટારશીપે, તેનું 11મું પરીક્ષણ લોન્ચ સફળતાપૂર્વક કર્યું. તે મંગળવારે (14 ઓક્ટોબર) સવારે 5.00 વાગ્યે ટેક્સાસના બોકા ચિકાથી લોન્ચ કરવામાં આવ્યું.
આ પરીક્ષણ 1 કલાક અને 6મિનિટ ચાલ્યું, જેમાં સ્ટારશીપને હિંદ મહાસાગરમાં ઉતારવામાં આવ્યું. આ ઉડાનનો હેતુ ભવિષ્યમાં રોકેટની તેના પ્રક્ષેપણ સ્થળ પર પાછા ફરવાની ક્ષમતાનું પરીક્ષણ કરવાનો હતો.
આ રોકેટ સ્પેસએક્સ દ્વારા બનાવવામાં આવ્યું હતું, જે વિશ્વના સૌથી ધનિક ઉદ્યોગપતિ એલોન મસ્કની માલિકીનું છે. સ્ટારશિપ અવકાશયાન (ઉપરનો ભાગ) અને સુપર હેવી બૂસ્ટર (નીચલો ભાગ) ને સામૂહિક રીતે “સ્ટારશિપ” કહેવામાં આવે છે. આ વાહન 403 ફૂટ ઊંચું છે અને સંપૂર્ણપણે ફરીથી વાપરી શકાય તેવું છે.