દિલ્હી પોલીસે આમ આદમી પાર્ટીના ધારાસભ્ય અમાનતુલ્લાહ ખાન વિરુદ્ધ સરકારી કામમાં અવરોધ ઉભો કરવા બદલ કેસ નોંધ્યો છે. ખાન પર આરોપ છે કે તે તેમના સમર્થકો સાથે હત્યાના આરોપીને પોલીસ કસ્ટડીમાંથી છોડાવવા પહોંચ્યા હતા. દિલ્હી પોલીસની એક ટીમ અમાનતુલ્લાહ ખાનના ઘરે પહોંચી, પરંતુ જ્યારે તે ત્યાં ન મળ્યા, ત્યારે પોલીસ ખાલી હાથે પાછી ફરી.
દિલ્હીના ઉપરાજ્યપાલ વિનય કુમાર સક્સેનાએ મુખ્યમંત્રી આતિશીને કહ્યું છે કે તમને યમુના મૈયાએ શ્રાપ આપ્યો છે, તેથી જ તમારી પાર્ટી ચૂંટણી હારી ગઈ. સૂત્રોના જણાવ્યા અનુસાર, LG એ આ વાતો 9 ફેબ્રુઆરીના રોજ કહી હતી જ્યારે આતિશી દિલ્હીના મુખ્યમંત્રી પદ પરથી રાજીનામું આપવા માટે તેમની પાસે ગયા હતા.
સૂત્રોના જણાવ્યા અનુસાર, એલજી સક્સેનાએ આતિશીને કહ્યું હતું કે તેમણે તેમના બોસ અરવિંદ કેજરીવાલને ‘યમુનાના શ્રાપ’ વિશે ચેતવણી આપી હતી, જ્યારે તેમણે નદીની સફાઈના પ્રોજેક્ટને રોકવા માટે સુપ્રીમ કોર્ટનો સંપર્ક કર્યો હતો. એલજી હાઉસના સૂત્રોના જણાવ્યા અનુસાર, આતિશીએ એલજીની ટિપ્પણીનો કોઈ જવાબ આપ્યો ન હતો.