અમેરિકી એરલાઇન કંપની સ્પિરિટ એરલાઇન્સે નાણાકીય સંકટ અને ઇંધણની કિંમતોમાં અચાનક આવેલા ઉછાળાને કારણે પોતાનું કામકાજ સંપૂર્ણપણે બંધ કરી દીધું છે. કંપનીએ 2 મે 2026 ના રોજ સત્તાવાર રીતે તેના તમામ ઓપરેશન્સને સસ્પેન્ડ કરવાની જાહેરાત કરી.
CEO બોલ્યા- અમારી પાસે પૈસા બચ્યા ન હતા
સ્પિરિટ એરલાઇન્સના પ્રેસિડેન્ટ અને CEO ડેવ ડેવિસે જણાવ્યું કે છેલ્લા કેટલાક અઠવાડિયામાં ઇંધણની કિંમતોમાં થયેલા અસાધારણ વધારાએ કંપનીને આ મોડ પર લાવી દીધી છે.
બિઝનેસ ચાલુ રાખવા માટે કરોડો ડોલરની રોકડની જરૂર હતી, જે કંપની પાસે ન હતી. તેમણે તેને એક ‘દુઃખદ અંત’ ગણાવ્યો અને કહ્યું કે 34 વર્ષથી સસ્તી હવાઈ મુસાફરી પૂરી પાડતી એરલાઇન પાસે હવે ઓપરેશન્સ બંધ કરવા સિવાય કોઈ વિકલ્પ બચ્યો ન હતો.
અમેરિકા અને ઈરાન વચ્ચેના યુદ્ધે સ્પિરિટ એરલાઇન્સની મુશ્કેલીઓ વધારી દીધી હતી. માર્ચમાં હોર્મુઝ સ્ટ્રેટ બંધ થવાથી બ્રેન્ટ ક્રૂડ ઓઇલ 120 ડોલર પ્રતિ બેરલ સુધી પહોંચી ગયું છે.
જેટ ફ્યુઅલ મોંઘું થયા પછી પ્રીમિયમ એરલાઇન્સે ટિકિટ મોંઘી કરીને તેની ભરપાઈ કરી લીધી, પરંતુ સ્પિરિટ જેવી બજેટ એરલાઇન્સ પાસે કિંમતો વધારવાની કોઈ શક્યતા નહોતી.