વડાપ્રધાન નરેન્દ્ર મોદીએ મંગળવારે કાશીમાં વિપક્ષ પર જોરદાર નિશાન સાધ્યું. પીએમએ કહ્યું કે, 40 વર્ષથી મહિલા અનામત લટકેલું હતું. અમે 2023માં નારી શક્તિ વંદન પસાર કર્યું. આ કાયદો લાગુ થાય તે માટે ચર્ચા રાખી. સપા, કોંગ્રેસ, ટીએમસી, ડીએમકે જેવી પાર્ટીઓએ દેશની મહિલાઓને છેતરી.
આવા પક્ષોએ 40 વર્ષથી મહિલા અનામત પર બ્રેક લગાવી દીધી. સપાએ ફરીથી તેને લાલ ઝંડી બતાવી દીધી. અસલી વાત એ છે કે આ બધા પરિવારવાદી અને તુષ્ટિકરણમાં ડૂબેલા પક્ષો નારી શક્તિથી ડરેલા છે. આ પરિવારવાદી ડર, દેશની દીકરીઓને વિધાનસભા સંસદમાં આવવા દેવા માંગતો નથી.
PM બે દિવસીય પ્રવાસે કાશી પહોંચ્યા છે. અહીં BLW (બનારસ લોકોમોટિવ વર્ક્સ) ગ્રાઉન્ડમાં આયોજિત નારી શક્તિ વંદન સંમેલનમાં લગભગ 50 હજાર મહિલાઓ આવી હતી. પીએમ મોદી ખુલ્લી જીપમાં સવાર થઈને તેમની વચ્ચે પહોંચ્યા. રાજકારણ, સ્વયં સહાય જૂથ, ચિકિત્સા વગેરે વર્ગોની 44 મહિલાઓને મંચ પર બેસાડવામાં આવી હતી.
PM એ 2 અમૃત ભારત ટ્રેનોને લીલી ઝંડી બતાવી
મોદીએ 6,350 કરોડ રૂપિયાના 163 પ્રોજેક્ટનો શિલાન્યાસ અને લોકાર્પણ કર્યું. આમાં સિગ્નેચર બ્રિજ અને કબીરચૌરા મંડળીય હોસ્પિટલમાં સુપર સ્પેશિયાલિટી હોસ્પિટલનો સમાવેશ થાય છે. PM એ બે નવી ટ્રેનોને લીલી ઝંડી બતાવી. એક ટ્રેન વારાણસીથી પુણે વચ્ચે ચાલશે. બીજી ટ્રેન અયોધ્યાથી મુંબઈ માટે શરૂ થઈ.
29મીએ PM હરદોઈ જશે
વડાપ્રધાનનો 11 વર્ષમાં આ 54મો કાશી પ્રવાસ છે. જોકે, આ 2026નો પહેલો પ્રવાસ છે. આ પહેલા PM નવેમ્બર, 2025માં કાશી આવ્યા હતા. મોદી બુધવારે કાશીથી હરદોઈ જશે. ત્યાં ગંગા એક્સપ્રેસ-વેનું ઉદ્ઘાટન કરશે. 594 કિલોમીટરનો આ એક્સપ્રેસ-વે મેરઠને પ્રયાગરાજ સાથે જોડશે.