અમેરિકાએ ઈરાનની અર્થવ્યવસ્થાના 5 મહત્ત્વપૂર્ણ ક્ષેત્રો પર નવા પ્રતિબંધો લગાવ્યા છે. જેનો ઉપયોગ ઈરાન અન્ય દેશોમાં પોતાની આર્થિક ગતિવિધિઓ માટે કરે છે.
આમાં ડિજિટલ એસેટ્સ (જેમ કે ક્રિપ્ટોકરન્સી), ટેકનોલોજી, સોનું, એવિએશન અને શિપિંગ સેક્ટરનો સમાવેશ થાય છે. અમેરિકા આ ક્ષેત્રો દ્વારા ઈરાનની કમાણી અને આંતરરાષ્ટ્રીય વેપારને રોકવા માંગે છે.
એટલે કે, જો કોઈ દેશ આ ક્ષેત્રોમાં ઈરાન સાથે એવો વેપાર કરે છે જેનાથી તેને પૈસા કે આર્થિક ફાયદો મળે છે. તો અમેરિકા તે દેશ પર પણ પ્રતિબંધ લગાવી શકે છે અથવા તેને અમેરિકી ડોલરની નાણાકીય વ્યવસ્થામાંથી બહાર કરી શકે છે.
અમેરિકાએ હજુ એ સ્પષ્ટ કર્યું નથી કે કયા દેશો પર સેકન્ડરી પ્રતિબંધો લગાવવામાં આવશે. જોકે, ચીન, તુર્કી અને સંયુક્ત આરબ અમીરાત (UAE) ઈરાનના મુખ્ય વેપારી ભાગીદારો છે.
અમેરિકી ટ્રેઝરી સેક્રેટરી સ્કોટ બેસેન્ટે કહ્યું કે અમે ‘ઓપરેશન ઇકોનોમિક આઉટકાસ્ટ’ શરૂ કર્યું છે. આ ઈરાન અને તેના સહયોગી દેશો વિરુદ્ધનું એક અભિયાન છે.
ઈરાન સામે હવે ફક્ત બે રસ્તા છે. પહેલો- સંપૂર્ણપણે દુનિયાથી અલગ-થલગ પડી જવું અને ગુજરાન ચલાવી શકાય તેવી અર્થવ્યવસ્થા. બીજો- ફરીથી સામાન્ય સ્થિતિ તરફ આગળ વધવું અને વૈશ્વિક અર્થવ્યવસ્થામાં ફરીથી સામેલ થવાની તક મેળવવી.