અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે તેમના સોશિયલ મીડિયા પ્લેટફોર્મ ટ્રુથ સોશિયલ પર ઉપરાષ્ટ્રપતિ કમલા હેરિસ વિશે વાંધાજનક પોસ્ટ શેર કરી છે. ન્યૂયોર્ક ટાઈમ્સ અનુસાર, પોસ્ટમાં કહેવામાં આવ્યું છે કે હેરિસે રાજનીતિમાં પોતાની કારકિર્દીને આગળ વધારવા માટે શારીરિક સંબંધોનો ઉપયોગ કર્યો છે.
હકીકતમાં 1990ના દાયકામાં હેરિસ વરિષ્ઠ સાન ફ્રાન્સિસ્કોના ભૂતપૂર્વ મેયર વિલી બ્રાઉન સાથે સંબંધમાં હતી. ત્યાર બાદ તેઓ કેલિફોર્નિયા સ્ટેટ એસેમ્બ્લીના સ્પીકર પણ હતા. ટ્રમ્પે પોસ્ટ દ્વારા આરોપ લગાવ્યો છે કે વિલી બ્રાઉન સાથેના તેમના સંબંધોએ હેરિસને રાજકારણમાં આગળ વધારવામાં મદદ કરી.
ટ્રમ્પે તેમના એક સમર્થકની પોસ્ટ ફરીથી શેર કરી. એમાં એક ફોટો પણ સામેલ છે, જેમાં હેરિસ અને હિલેરી ક્લિન્ટન સાથે જોવા મળે છે. આ દ્વારા ટ્રમ્પે હિલેરી ક્લિન્ટન પર પણ ટિપ્પણી કરી હતી. હકીકતમાં હિલેરીના પતિ અને અમેરિકાના પૂર્વ રાષ્ટ્રપતિ બિલ ક્લિન્ટન પર 1995માં વ્હાઇટ હાઉસની ઇન્ટર્ન મોનિકા લેવિન્સ્કી સાથે શારીરિક સંબંધ હોવાનો આરોપ હતો.