રાજકોટ ઈન્ટરનેશનલ એરપોર્ટ એવિએશન સિક્યુરિટી કલ્ચર વીક (ASCW) 2024નું ઉદ્ઘાટન કર્યું, જે એરપોર્ટ સુરક્ષા ટીમો અને હિતધારકોના સમર્પણને માન આપવા માટે એક અઠવાડિયા સુધી ચાલતી ઉજવણી છે. એવિએશન સિક્યુરિટી ગ્રૂપ (ASG)ના ચીફ એરપોર્ટ સિક્યુરિટી ઓફિસર/ડેપ્યુટી કમાન્ડન્ટ અમનદીપ સિરસવાની હાજરીમાં એરપોર્ટ ડાયરેક્ટર દિગંત બોરાહ દ્વારા આ ઈવેન્ટની શરૂઆત કરવામાં આવી હતી. ASCW 2024 નો ઉદ્દેશ ઉડ્ડયન સુરક્ષા વિશે જાગૃતિ લાવવા અને બ્યુરો ઓફ સિવિલ એવિએશન સિક્યુરિટી (BCAS), CISF ના ASG યુનિટ, એરલાઇન્સ અને અન્ય એરપોર્ટ સુરક્ષા ટીમોના અથાગ પ્રયાસોને માન્યતા આપવાનો છે. ઉજવણીમાં વિવિધ પ્રવૃત્તિઓનો સમાવેશ થાય છે. જેમાં જાગૃતિ કાર્યક્રમો, વોકથોન, સેન્સિટાઇઝેશન ડ્રાઇવ, ડોગ સ્ક્વોડનું પ્રદર્શન, ફ્લેશ મોબ ડાન્સ પ્રોગ્રામ, પ્રતિબંધિત વસ્તુઓ પર પેમ્ફલેટનું વિતરણ તથા મુસાફરો માટે ક્વિઝ અને ચિત્ર સ્પર્ધા યોજાશે. આજે CISF દ્વારા રાજકોટ પોલીસ અને એરપોર્ટ ઓથોરિટી ઓફ ઈન્ડિયા, એરલાઈન્સના સંકલનમાં એક સેન્સિટાઈઝેશન ડ્રાઈવ હાથ ધરવામાં આવી હતી. જ્યાં એરપોર્ટની પરિમિતિ સાથેના ગામડાઓના રહેવાસીઓને ઉડ્ડયન સુરક્ષા વિશે શિક્ષિત કરવામાં આવ્યા હતા. એરપોર્ટ પર ડોગ ડેમોસ્ટ્રેશન પણ યોજવામાં આવ્યું હતું.એવિએશન સિક્યુરિટી કલ્ચર વીક 2024 હવાઈ પ્રવાસીઓની સલામતી અને સુરક્ષા સુનિશ્ચિત કરવા માટે સહયોગ અને તકેદારીના મહત્વને વધુ મજબૂત બનાવે છે.