દિવાળીના તહેવાર પહેલાં બોલિવૂડ સેલેબ્સ પરંપરાગત અને મોડર્ન એથનિક આઉટફિટ્સમાં નજરે પડી રહ્યા છે. 24 ઑક્ટોબરે દિલ્હીમાં ડિઝાઇનર અભિનવ મિશ્રાના ફૅશન શોમાં એક્ટ્રેસ ક્રિતી સેનન શોસ્ટોપર તરીકે રૅમ્પ પર ઉતરી હતી.
ક્રિતીએ ગ્રે અને સિલ્વર રંગનો હેવી મિરર-વર્કવાળો લહેંગો પહેર્યો હતો. આ લુકની મુખ્ય ખાસિયત પરંપરાગત દુપટ્ટાની જગ્યાએ શીર ફૅબ્રિકનો કેપ-સ્ટાઇલ દુપટ્ટો હતો.
બીજી તરફ, મુંબઈમાં આયોજિત દિવાળી પાર્ટીમાં શિલ્પા શેટ્ટી, મૃણાલ ઠાકુર, શ્રિયા સરન અને ઉર્મિલા માતોંડકર એથનિક લુક્સમાં પહોંચ્યાં હતાં.
અહીં મુંબઈમાં આયોજિત દિવાળી પાર્ટીમાં પણ ઘણી એક્ટ્રેસે એથનિક લુકમાં સામેલ થઈ હતી. અભિનેત્રી શિલ્પા શેટ્ટી સફેદ રંગના એમ્બેલિશ્ડ એથનિક આઉટફિટમાં પહોંચી હતી, જેના સાથે તેમણે મેચિંગ પોટલી બેગ અને હેર બન બનાવ્યો હતો.
મૃણાલ ઠાકુર નેવી બ્લૂ રંગના આઉટફિટમાં જોવા મળી હતી, જ્યારે શ્રિયા સરણે શિમરી સિલ્વર સાડી સાથે હેવી એમ્બેલિશ્ડ બ્લાઉઝ પહેર્યું હતું. શ્રિયાએ પોતાના લુકને સ્ટેટમેન્ટ ચોકર અને મેચિંગ ઇયરિંગ્સથી પૂર્ણ કર્યો હતો. પાર્ટીમાં ઉર્મિલા માતોંડકર પણ પરંપરાગત લુકમાં પહોંચી હતી.