ચોટીલા કોર્ટ પરિસરમાં ગંદકી અને ખરાબ રસ્તાને કારણે મુલાકાતીઓ અને સ્ટાફને મુશ્કેલી પડી રહી છે. કોર્ટમાં પ્રવેશવાનો મુખ્ય રસ્તો અને જેન્ટ્સ વોશરૂમ અત્યંત ગંદા છે.
મુખ્ય રસ્તા પરથી કોર્ટ બિલ્ડિંગમાં જવાનો રસ્તો કાચો અને ગંદકીથી ભરેલો છે. આ સાર્વજનિક જગ્યાએ ગામના લોકો, બહારગામના વકીલો અને અસીલોની અવરજવર રહે છે. તેમ છતાં રસ્તાની હાલત ખરાબ છે.
કોર્ટમાં આવેલા જેન્ટ્સ વોશરૂમની પણ લાંબા સમયથી સફાઈ થઈ નથી. ત્યાં કરોળિયાના જાળા, ધૂળ અને ગંદકી ફેલાયેલી છે. યુરિનલ પોટ અને વોશબેસિનને તાત્કાલિક સફાઈની જરૂર છે.
આ પરિસ્થિતિને કારણે લોકોમાં રોષ છે. સ્થાનિક લોકો અને મુલાકાતીઓ ઈચ્છે છે કે તંત્ર આ મામલે યોગ્ય કાર્યવાહી કરે અને સફાઈની વ્યવસ્થા સુધારે.