ટોરેન્ટ ફાર્માસ્યુટિકલ્સ લિમિટેડે આજે નાણાકીય વર્ષ 2026-27ના પ્રથમ ક્વાર્ટર (Q1 FY27) માટેના પોતાના નાણાકીય પરિણામોની જાહેરાત કરી છે.
ભારતમાં કુલ આવક ₹2,157 કરોડ રહી, જે AIOCD PharmaTrac ના આંકડા મુજબ 19%નો વધારો દર્શાવે છે (જ્યારે IPM – Indian Pharmaceutical Market નો વૃદ્ધિ દર 12% રહ્યો હતો). ટોરેન્ટ ફાર્મા હવે ભારતીય કાર્ડિયાક ફાર્માસ્યુટિકલ માર્કેટમાં પ્રથમ ક્રમે પહોંચ્યું છે. સફળ લોન્ચ બાદ Gx Semaglutide એ નાણાકીય વર્ષ 2026-27ના પ્રથમ ક્વાર્ટર દરમિયાન ઓરલ અને ઇન્જેક્ટેબલ બંને મળીને 36% માર્કેટ શેર હાંસલ કર્યો છે.
બ્રાઝિલ:
બ્રાઝિલમાં કુલ આવક 27% ના વધારા સાથે ₹277 કરોડ રહી, જ્યારે સ્થિર ચલણના ધોરણે આવક 3% ના વધારા સાથે R$ 147 મિલિયન રહી. IQVIAના આંકડા મુજબ, ટોરેન્ટ ફાર્માએ 21%ની વૃદ્ધિ નોંધાવી, જ્યારે સમગ્ર બજારનો વૃદ્ધિ દર 5% રહ્યો. હાલમાં ટોરેન્ટ ફાર્માના 58 ઉત્પાદનો ANVISAની મંજૂરી પ્રક્રિયા હેઠળ છે. વધતા વ્યાજ ખર્ચને કારણે વિતરક ચેનલ તરફથી ક્રેડિટ અવધિની માંગને ધ્યાનમાં રાખીને કંપનીએ એક વખત માટે ચેનલ ઇન્વેન્ટરીમાં ઘટાડો કર્યો હતો, તેમ છતાં સેકન્ડરી સેલ્સમાં સતત મજબૂત માંગ યથાવત રહી છે.
અમેરિકા:
અમેરિકામાં કુલ આવક 36%ના વધારા સાથે ₹418 કરોડ રહી, જ્યારે સ્થિર ચલણના ધોરણે આવક 23% ના વધારા સાથે US$ 44 મિલિયન નોંધાઈ. નવા ઉત્પાદનોના સફળ લોન્ચ, લક્ષ્યાંક મુજબ પ્રાપ્ત થયેલા માર્કેટ શેર તેમજ કેટલીક એક-વખતની વ્યાપારિક તકોના પરિણામે અહીં મજબૂત વૃદ્ધિ નોંધાઈ છે.
જર્મની:
જર્મનીમાં કુલ આવક 3% ના વધારા સાથે ₹318 કરોડ રહી, જ્યારે સ્થિર ચલણના ધોરણે આવક 9% ના ઘટાડા સાથે EUR 29 મિલિયન રહી. થર્ડ પાર્ટી સપ્લાયર તરફથી પુરવઠામાં વિક્ષેપ તેમજ ટેન્ડર ઓફટેકમાં ઘટાડાને કારણે વ્યવસાયના વિકાસ પર અસર જોવા મળી હતી.