ધોરાજી તાલુકાના ઝાંઝમેર રોડ પર ભારે પવનના કારણે એક બાવળનું વૃક્ષ ધરાશાયી થયું હતું. આ ઘટનાને કારણે માર્ગ પર વાહનવ્યવહાર ખોરવાઈ ગયો હતો.
ઘટનાની જાણ થતાં જ ઝાંઝમેર ગામના ઉપસરપંચ તાત્કાલિક સ્થળ પર પહોંચી ગયા હતા. તેમણે સ્થાનિક લોકોની મદદથી રસ્તા પરથી વૃક્ષ હટાવવાની કામગીરી શરૂ કરાવી હતી.
ઝડપી કામગીરીના પરિણામે, થોડા જ સમયમાં અસરગ્રસ્ત માર્ગ ફરીથી વાહનવ્યવહાર માટે ખુલ્લો કરી દેવામાં આવ્યો હતો. ઉપસરપંચની આ ત્વરિત કામગીરીને સ્થાનિક લોકોએ બિરદાવી હતી. આ સાથે, વાહનચાલકોને વરસાદી મોસમ દરમિયાન સાવચેતીપૂર્વક વાહન ચલાવવા માટે અપીલ પણ કરવામાં આવી છે.