દુનિયાના સૌથી ધનિક ઉદ્યોગપતિ ઇલોન મસ્ક દુનિયાના પ્રથમ ટ્રિલિયોનર બની ગયા છે. તેમની નેટવર્થ 95 લાખ કરોડ રૂપિયાને પાર પહોંચી ગઈ છે. મસ્કની રોકેટ કંપની સ્પેસએક્સના IPOના લિસ્ટિંગ પછી તેમની સંપત્તિમાં આ રેકોર્ડ ઉછાળો આવ્યો છે.
શુક્રવાર, 12 જૂનના રોજ અમેરિકી શેરબજાર નાસ્ડેક પર સ્પેસએક્સના શેરનું ટ્રેડિંગ 150 ડોલર પ્રતિ શેર પર શરૂ થયું. ફોર્બ્સ અનુસાર, IPO લિસ્ટ થયા પછી મસ્કની કુલ નેટવર્થ વધીને 1.1 ટ્રિલિયન ડોલર થઈ ગઈ છે, જે ગુરુવારે 982 બિલિયન ડોલર હતી.
સ્પેસએક્સ આ ઇશ્યૂ દ્વારા રેકોર્ડ 75 બિલિયન ડોલર એટલે કે લગભગ 7.15 લાખ કરોડ રૂપિયા એકત્ર કરી રહી છે. આ એકલો IPO વર્ષ 2024 અને 2025માં આવેલા તમામ અમેરિકી IPO દ્વારા એકત્ર કરાયેલી કુલ રકમ કરતાં પણ વધુ છે. આ દુનિયાનો અત્યાર સુધીનો સૌથી મોટો IPO છે.