રેલવેના રાજકોટ ડિવિઝનમાં રેલવે સુરક્ષા દળ (RPF) એ જાન્યુઆરી 2026ના માત્ર 31 દિવસમાં સેવાનો અદભુત ઈતિહાસ રચ્યો છે. ‘સેવા હી સંકલ્પ’ અભિયાન હેઠળ RPF એ સુરક્ષાની સાથે માનવીય સંવેદનાનું એવું ઉદાહરણ પૂરું પાડ્યું છે કે જેણે મુસાફરોના દિલ જીતી લીધા છે. RPFની ટીમે જાન્યુઆરી માસમાં વિવિધ 9 ઓપરેશન્સ દ્વારા નોંધપાત્ર સફળતા મેળવી છે.
RPF એ ‘ઓપરેશન અમાનત’ હેઠળ અસાધારણ તત્પરતા દાખવી સ્ટેશનો અને ટ્રેનમાંથી 26 મુસાફરનો રૂ.2,71,589ની કિંમતનો સામાન શોધી કાઢ્યો અને તેમના અસલી માલિકોને પરત સોંપ્યો હતો.
‘ઓપરેશન નન્હે ફરિશ્તે’ હેઠળ 3 ગુમ થયેલા બાળકોને અને ‘ઓપરેશન ડિગ્નિટી’ હેઠળ 1 વિખૂટા પડેલા વ્યક્તિને તેના પરિવાર સાથે મિલાવીને અનેક ઘરોમાં ખુશીઓ પાછી લાવી છે. આમ 31 દિવસમાં 9 ઓપરેશન્સ કરીને હજારો મુસાફરોની સુરક્ષાને પ્રાધન્ય આપ્યું છે.
RPFએ આ 9 ઓપરેશન કર્યા : મુસાફરોને નિયમો અને સાવચેતી અંગે જાગૃત કર્યા