મુંબઈના વડાલામાં રહેતી એક મહિલાએ મહિલા મસાજ થેરાપિસ્ટ પર મારપીટનો આરોપ લગાવ્યો છે. મહિલાએ એપ-આધારિત કંપનીમાંથી મસાજ થેરાપિસ્ટ બુક કરી હતી. અસ્વસ્થતા અનુભવાતા મસાજ સેશન વચ્ચેથી રદ કરી દીધી હતી, ત્યારબાદ થેરાપિસ્ટે તેની સાથે ગાળાગાળી અને મારપીટ કરી.
પોલીસે થેરાપિસ્ટ વિરુદ્ધ નોન-કોગ્નિઝેબલ કેસ નોંધી તપાસ શરૂ કરી દીધી છે. ઘટના સંબંધિત એક વીડિયો સોશિયલ મીડિયા પર વાયરલ થઈ રહ્યો છે.
પોલીસના જણાવ્યા અનુસાર, ફરિયાદી શહનાઝ સૈયદે ફ્રોઝન શોલ્ડરની સમસ્યાના ઇલાજ માટે મોબાઇલ એપ દ્વારા મસાજ સર્વિસ બુક કરી હતી. મહિલા થેરાપિસ્ટ અશ્વિની વર્તાપી તેમના ઘરે પહોંચી.
ફરિયાદમાં કહેવામાં આવ્યું છે કે થેરાપિસ્ટના વર્તન અને તેની સાથે લાવવામાં આવેલા મસાજ બેડના કદને લઈને મહિલાને અસ્વસ્થતા અનુભવાઈ. આ પછી તેણે સેશન રદ કરી અને રિફંડની માંગ કરવા લાગી.