દિવાળીના તહેવારમાં ફટાકડાથી દાઝી જવાના બનાવ વધુ બનતા હોય છે. ત્યારે આજી ડેમ વિસ્તારના માંડાડુંગરમાં રાત્રિના ફટાકડા ફોડતી વખતે 12 વર્ષનો બાળક દાઝી જતા સારવારમાં ખસેડવામાં આવ્યો હતો.
માંડાડુંગરમાં ભીમરાવનગર-22માં રહેતો કાર્તિક સુરેશભાઈ દેગામા(ઉ.વ.12)નામનો બાળક સાંજે આઠેક વાગ્યે ઘર પાસે ફટાકડા ફોડતો હતો ત્યારે ફટાકડાનો તણખો પહેરેલા કપડાંમાં ઉડતા શરીરે દાઝી જતા સારવાર માટે સિવિલ હોસ્પિટલમાંખસેડાયો હતો.