લાલ કિલ્લા પર સુરક્ષા કવાયત દરમિયાન ડમી બોમ્બ ન મળતાં એક કોન્સ્ટેબલ અને એક હેડ કોન્સ્ટેબલ સહિત સાત દિલ્હી પોલીસ કર્મચારીઓને સસ્પેન્ડ કરવામાં આવ્યા છે. બરતરફ કરાયેલા પોલીસ કર્મચારીઓને લાલ કિલ્લાની સુરક્ષા માટે તૈનાત કરવામાં આવ્યા હતા.
દિલ્હી પોલીસના જણાવ્યા અનુસાર, સુરક્ષામાં બેદરકારી બદલ પોલીસકર્મીઓને સસ્પેન્ડ કરવામાં આવ્યા છે. 15 ઓગસ્ટના કાર્યક્રમની તૈયારીના ભાગ રૂપે દિલ્હી પોલીસ દરરોજ કવાયત કરે છે.
શનિવારે સ્પેશિયલ સેલની એક ટીમ સાદા કપડામાં લાલ કિલ્લા પરિસરમાં ડમી બોમ્બ સાથે પ્રવેશી હતી. તે સમયે સુરક્ષા માટે તૈનાત પોલીસકર્મીઓ બોમ્બ શોધી શક્યા ન હતા. તેથી, તેમની સામે કાર્યવાહી કરવામાં આવી છે.
નોંધનીય છે કે સ્વતંત્રતા દિવસની મુખ્ય ઉજવણી લાલ કિલ્લા પર થાય છે. આમાં, પીએમ મોદી રાષ્ટ્રને સંબોધિત કરે છે.