ફ્રાન્સના રાષ્ટ્રપતિ ઇમેન્યુઅલ મેક્રોને ભારત અને વડાપ્રધાન નરેન્દ્ર મોદી માટે હિન્દીમાં વીડિયો મેસેજ શેર કર્યો છે. તેમણે કહ્યું- પ્રિય મિત્ર નરેન્દ્ર, નીસ, એવિયન અને પેરિસના તમારા પ્રવાસમાં તમારું સ્વાગત કરતાં મને ખૂબ આનંદ થયો. ફ્રાન્સ અને ભારતની મિત્રતા અમર રહે.
ત્યારબાદ હસતાં હસતાં મેક્રોને કહ્યું, ‘મને આશા છે કે આ (હિન્દી સંદેશ) સાચો હશે. ડિયર પ્રાઇમ મિનિસ્ટર, આ મિત્રતા માટે તમારો આભાર. હું આવતા ફેબ્રુઆરીમાં (ભારત પ્રવાસ) તમને મળીશ.’ જ્યારે, ફ્રાન્સથી રવાના થયા બાદ મોદીએ X પર લખ્યું- આ યાત્રા સહભાગિતા અને ઉપલબ્ધિઓ બંનેની દ્રષ્ટિએ વ્યાપક રહી.
ખરેખરમાં, પીએમ મોદી 6 દિવસના ફ્રાન્સ અને સ્લોવાકિયાનો પ્રવાસ પૂરો કરીને ગુરુવારે મોડી રાત્રે ભારત માટે રવાના થયા. આ દરમિયાન તેમણે G7 સમિટમાં પણ હાજરી આપી. અહીં પીએમની અમેરિકી રાષ્ટ્રપતિ ડોનાલ્ડ ટ્રમ્પ સાથે મુલાકાત થઈ. ટ્રમ્પે મોદીના ખૂબ વખાણ કર્યા.
પીએમ મોદી પેરિસમાં આયોજિત વિવાટેક સમિટમાં સામેલ થયા હતા. મોદીએ કહ્યું- ફ્રાન્સ એક મહત્વપૂર્ણ પુલનું કામ કરી રહ્યું છે જે ભારત અને યુરોપના ટેક ઇકોસિસ્ટમને નજીક લાવી રહ્યું છે.
તેમણે ભારતીય સમુદાયને સંબોધિત કરતા કહ્યું કે આજે હું એવા સમયે ફ્રાન્સ આવ્યો છું, જ્યારે થોડા દિવસો પહેલા જ અમારી પાર્ટનરશિપના 12 વર્ષ પૂરા થયા છે.
મોદીએ કહ્યું કે 12 વર્ષ સુધી દેશની સેવા કરવી મારા જીવનનું ખૂબ મોટું સૌભાગ્ય રહ્યું છે. આ ભારતની લોકશાહીની શક્તિ છે, જેણે એક ચાવાળાને અહીં સુધી પહોંચાડી દીધો.