કોહલી-ગિલની સેન્ચુરીથી ભારતે વેસ્ટ ઇન્ડીઝને હરાવ્યું

ભારતે વેસ્ટ ઇન્ડીઝને પહેલી વન-ડેમાં 8 વિકેટે હરાવ્યું છે. તિરુવનંતપુરમના ગ્રીનફીલ્ડ સ્ટેડિયમમાં વેસ્ટ ઇન્ડીઝે પહેલા બેટિંગ કરતા 50 ઓવરમાં 7 વિકેટ પર 295 રન બનાવ્યા હતા. જવાબમાં ભારતે 41.4 ઓવરમાં 2 વિકેટ પર 300 રન બનાવીને જીત મેળવી લીધી. આ જીત સાથે ભારતે 3 મેચની સિરીઝમાં 1-0ની લીડ મેળવી લીધી છે.

ભારતની જીતના હીરો વિરાટ કોહલી અને કેપ્ટન શુભમન ગિલ રહ્યા. વિરાટ કોહલીએ નોટઆઉટ 139 રનની ઇનિંગ રમી. તેણે વન-ડેમાં 55મી અને ઇન્ટરનેશનલ ક્રિકેટમાં 86મી સેન્ચુરી ફટકારી. તે વન-ડેમાં સૌથી ઝડપી 15 હજાર રન બનાવનારો બેટર પણ બન્યો. તેણે 303 ઇનિંગ્સમાં આ પરાક્રમ કર્યું. કોહલીએ સચિન તેંડુલકરનો રેકોર્ડ તોડ્યો. સચિને 2007માં સાઉથ આફ્રિકા સામે 377 ઇનિંગ્સમાં 15 હજાર વન-ડે રન પૂરા કર્યા હતા.

કેપ્ટન શુભમન ગિલે વન-ડે કરિયરની 10મી સેન્ચુરી ફટકારી. તેણે 110 રનની ઇનિંગ રમી. આ પહેલાં વેસ્ટ ઇન્ડીઝે ટૉસ હારતા પહેલા બેટિંગ કરી. જસ્ટિન ગ્રીવ્સે 108 બોલમાં 101 રનની ઇનિંગ રમી. જોન કેમ્પબેલે 62 રન બનાવ્યા, જ્યારે આમીર જંગુ 58 રન બનાવીને અણનમ રહ્યો. ભારત તરફથી કુલદીપ યાદવે 4 વિકેટ લીધી. પ્રસિદ્ધ ક્રિષ્નાને 2 અને નીતિશ રેડ્ડીને એક વિકેટ મળી.

શુભમન ગિલ (કેપ્ટન), રોહિત શર્મા, વિરાટ કોહલી, ઋતુરાજ ગાયકવાડ, રવીન્દ્ર જાડેજા, કેએલ રાહુલ (વિકેટકીપર), નમન ધીર, નીતિશ કુમાર રેડ્ડી, કુલદીપ યાદવ, ગરનૂર બરાર અને પ્રસિદ્ધ ક્રિષ્ના.