અનુભવી બેટર વિરાટ કોહલી અફઘાનિસ્તાન સામે T20 સિરીઝની પ્રથમ મેચ નહીં રમે. તે બીજી અને ત્રીજી T20 માટે ઉપલબ્ધ રહેશે. યશસ્વી જયસ્વાલ કેપ્ટન રોહિત શર્મા સાથે ઇનિંગ્સની શરૂઆત કરશે, જ્યારે કોહલીની ગેરહાજરીમાં શુભમન ગિલ ત્રીજા નંબરે બેટિંગ કરશે.
બુધવારે ભારતીય ટીમના મુખ્ય કોચ રાહુલ દ્રવિડે મોહાલીમાં T20 પહેલા આ માહિતી આપી હતી. દ્રવિડે કહ્યું- ‘વિરાટ અંગત કારણોસર પ્રથમ મેચ માટે ઉપલબ્ધ નથી.’
ભારત અને અફઘાનિસ્તાન વચ્ચે T20 શ્રેણીની પ્રથમ મેચ 11 જાન્યુઆરીએ રમાશે. આ મેચ મોહાલીના આઈએસ બિન્દ્રા સ્ટેડિયમમાં સાંજે 7:00 વાગ્યાથી રમાશે.
ભારતીય કેપ્ટન રોહિત શર્મા અને વિરાટ કોહલી ટીમ સાથે મોહાલી પહોંચ્યા નથી, જ્યારે બાકીની ટીમ મોહાલી પહોંચી ગઈ છે. કહેવામાં આવી રહ્યું છે કે રોહિત અને કોહલી ચાર્ટર્ડ પ્લેનથી સાંજ સુધીમાં મોહાલી પહોંચશે.