મેષ
આજે કોઈ બહારની ઘટના કરતાં તમારા અંદરના પ્રતિભાવો વધુ મહત્વપૂર્ણ રહેશે. તમારા વિશ્વાસ અને વિચારોમાં બદલાવ આવી શકે છે. ભાવનાત્મક બોજ હળવો કરવાની તક મળશે. પોતાની વાતને વારંવાર રીપિટ કરવાથી બચો. કોઈ અનુભવી વ્યક્તિની સલાહ નવી રાહ બતાવી શકે છે.
કરિયરઃ તમારા કામની ખામીઓ સામે આવી શકે છે. ટીકાને વ્યક્તિગત પડકાર તરીકે ન લો. રિસર્ચ કે લેખન કાર્યમાં સુધારો કરવો જરૂરી બની શકે છે, જેનાથી તેની ગુણવત્તા વધશે.
લવઃ કોઈ વાતને લઈને મનમાં છુપાયેલી નિરાશા બહાર આવી શકે છે. સિંગલ લોકોને કોઈ જૂના આકર્ષણની વાસ્તવિકતા સમજાશે અને તેને લગતી કાલ્પનિક દુનિયા તૂટી શકે છે.
સ્વાસ્થ્યઃ લખવું કે સંગીત સાંભળવું ઉપયોગી રહેશે. જમતી વખતે કામ કરવાની ટેવ છોડો અને શરીરને શાંતિથી ખોરાક ગ્રહણ કરવાનો સમય આપો.
લકી કલર: ક્રિમસન
લકી નંબર: 9
વૃષભ – The Moon
આજે તમારી કલ્પના વાસ્તવિકતા કરતાં આગળ દોડી શકે છે. કોઈ જગ્યા કે વ્યક્તિ વિશે તમારું મન કાલ્પનિક વાર્તા બનાવી શકે છે, પણ દરેક અનુમાન સાચું નહીં હોય. કોઈ જૂનું સ્વપ્ન અચાનક યાદ આવશે અને તેને પૂર્ણ કરવાની ઈચ્છા ફરી જાગી શકે છે. અજાણી વસ્તુઓ તરફ આકર્ષણ વધશે.
કરિયરઃ કોઈ વિભાગમાં આંતરિક ફેરબદલ કે પુનર્ગઠનની ચર્ચા સાંભળવા મળી શકે છે. અફવાઓ પર પ્રતિક્રિયા ન આપો. ગુપ્ત કામ કરતા લોકોએ પોતાની માહિતી સુરક્ષિત રાખવી જોઈએ.
લવઃ કોઈ એવી વ્યક્તિમાં રસ પડી શકે છે જેને સમજવી સરળ નહીં હોય. આકર્ષણ રહેશે, પણ ઉતાવળમાં કોઈ વચન ન આપો. કપલ્સ વચ્ચે કાલ્પનિક સ્વપ્નો અને વાસ્તવિક અપેક્ષાઓ વચ્ચેનો તફાવત સામે આવી શકે છે.
સ્વાસ્થ્યઃ વધુ પડતા કેફી કે ઉત્તેજક પીણાંનું સેવન ઘટાડવું ફાયદાકારક રહેશે. દિવસ દરમિયાન થોડો કુદરતી તડકો લો. તમારા રૂમનું વાતાવરણ શાંત અને સહજ રાખો.
લકી કલર: મિડનાઈટ બ્લુ
લકી નંબર: 2
મિથુન – Nine of Cups
આજે કોઈ અંગત ઈચ્છા તમારી ખુશીનું કારણ બની શકે છે. કોઈ મનપસંદ વસ્તુ મળી શકે છે કે પછી પોતાના શોખને સમય આપવાની તક મળશે. મન પોતાની પસંદગીઓને લઈને સ્પષ્ટ રહેશે. તમને પોતાને નાની ભેટ કે સરપ્રાઈઝ આપવાનું મન થશે. કોઈ સફળતાનો શ્રેય સ્વીકારવામાં સંકોચ ન કરો. તમારી મનપસંદ નાની વસ્તુ પણ દિવસને ખાસ બનાવી શકે છે.
કરિયરઃ તમારા રચનાત્મક કામને જોઈને તમને તમારી કાર્યકુશળતા પર ગર્વ અનુભવાશે. કલાકારો, લેખકો કે ડિઝાઇનરો માટે આ વિશેષ ઉત્સાહનો સમય રહેશે. પ્રેઝન્ટેશનની શૈલી છાપ છોડશે.
લવઃ પ્રેમ સંબંધોમાં એકબીજાની ઈચ્છાઓને સમજવાનો આ સુંદર સમય છે. કપલ્સ સાથે મળીને મનપસંદ ભોજન કે મનોરંજનની મજા માણી શકે છે.
સ્વાસ્થ્યઃ સારા ભોજનની પસંદગી કરો, પણ સ્વાદની સાથે ખોરાકની માત્રાનું પણ ધ્યાન રાખો. લાંબો સમય બેસી રહેવાને બદલે હળવી હલનચલન રાખો.
લકી કલર: બેજ
લકી નંબર: 7
કર્ક – Ace of Swords
આજે કોઈ મુદ્દા પર તમારી વિચારસરણી અસાધારણ રીતે સ્પષ્ટ અને તીવ્ર રહેશે. એક સાચો પ્રશ્ન આખી પરિસ્થિતિ બદલી શકે છે. કોઈ તથ્ય અચાનક સામે આવશે, જેનાથી નિર્ણય લેવો સરળ બનશે. તમારી વાત ટૂંકી અને સચોટ રાખો. કોઈ જટિલ બાબતને નાના નાના ભાગોમાં વહેંચી દો. ભ્રમની જગ્યાએ તર્ક કામ કરશે. જરૂરી વાતચીત ટાળવાથી બચો.
કરિયરઃ રિપોર્ટ, કોન્ટ્રેક્ટ કે સત્તાવાર દસ્તાવેજોમાંથી મહત્વપૂર્ણ માહિતી મળી શકે છે. સહી કરતા પહેલાં દરેક શરત ધ્યાનથી વાંચો. વહીવટી જવાબદારી સંભાળતા લોકોએ રેકોર્ડ વ્યવસ્થિત રાખવા જોઈએ.
લવઃ પ્રેમ સંબંધોમાં સ્પષ્ટ સીમાઓ નક્કી કરવાનો સમય છે. અસ્પષ્ટ વર્તન અંગે અંદાજો ન લગાવો, સીધા પ્રશ્નો પૂછો. કપલ્સ કોઈ મહત્વપૂર્ણ નિર્ણય પર સહમતિ સાધવાનો પ્રયાસ કરશે.
સ્વાસ્થ્યઃ લગાતાર ઘોંઘાટથી માનસિક થાક અનુભવાય તો થોડો સમય શાંત વાતાવરણ પસંદ કરો.
લકી કલર: આઈવરી વ્હાઈટ
લકી નંબર: 6
સિંહ – Seven of Pentacles
આજે તમને તમારા પ્રયાસોનું મૂલ્ય સમજાશે. કોઈ પરિણામ હજુ પૂરેપૂરું સામે નહીં આવે; તમે જે સમય આપ્યો છે તેની અસર ધીમે ધીમે દેખાશે. કોઈ જૂના લક્ષ્યને નવી નજરે જોશો. તમારી પ્રાથમિકતાઓની યાદી બદલી શકો છો. એક જ જગ્યાએ મહેનત ચાલુ રાખવાને બદલે તેના પરિણામની તપાસ કરો.
કરિયરઃ કોઈ લાંબા ટ્રેનિંગ કે તાલીમનો લાભ ધીમે ધીમે મળવાનું શરૂ થશે. નોકરીમાં તમારી કુશળતાને કારણે વધુ જવાબદારી મળી શકે છે. વ્યવસાયમાં કોઈ પ્રોડક્ટનું વેચાણ ધાર્યા કરતાં ધીમું રહેશે.
લવઃ પ્રેમમાં સંબંધની ઊંડાણ સમય જતાં સમજાશે. કપલ્સ એ જોવું જોઈએ કે બંને સંબંધમાં કેટલું યોગદાન આપી રહ્યા છે.
સ્વાસ્થ્યઃ ખોરાકની માત્રા અને ગુણવત્તા બંને પર નજર રાખો. લાંબા સમયની ટેવોને અચાનક બદલવાને બદલે ધીમે ધીમે સુધારો.
લકી કલર: નારંગી પીળો
લકી નંબર: 8
કન્યા – Strength
આજે તમારી સાચી શક્તિ કોઈ સંઘર્ષમાં નહીં, પણ તમારી પ્રતિક્રિયાને રોકવામાં દેખાશે. કોઈ વ્યક્તિ તમને ઉશ્કેરી શકે છે, છતાં તમે તમારું સંતુલન જાળવી રાખશો. મુશ્કેલ પરિસ્થિતિમાં તમારું કોઠાસૂઝ કામ કરશે. તમને અહેસાસ થશે કે દરેક વસ્તુને નિયંત્રિત કરવી જરૂરી નથી. કોઈ નબળી ક્ષણે પણ પોતાના પર ભરોસો રાખો.
કરિયરઃ તમારી લીડરશિપ ક્ષમતા સામે આવશે. વહીવટ કે મેનેજમેન્ટ સાથે જોડાયેલા લોકોને વિશેષ લાભ મળશે. મુશ્કેલ વાતચીતને શાંતિથી સંભાળો.
લવઃ પ્રેમ સંબંધોમાં ભાવનાત્મક પરિપક્વતા જરૂરી રહેશે. માત્ર પ્રભાવશાળી વ્યક્તિત્વ જોઈને નિર્ણય ન લો. કપલ્સ વચ્ચે સ્વભાવનો તફાવત સામે આવી શકે છે, જેને નબળાઈ ન ગણવી.
સ્વાસ્થ્યઃ શારીરિક રીતે સક્રિય રહેતા લોકોએ રિકવરી પર ધ્યાન આપવું જોઈએ. સ્નાયુઓને આરામ આપવા માટે હળવું સ્ટ્રેચિંગ ઉપયોગી થઈ શકે છે.
લકી કલર: હની
લકી નંબર: 1
તુલા – Four of Cups
આજે કોઈ બાબતમાં તમારી રસ-રુચિ અચાનક ઘટી શકે છે. રોજિંદી દિનચર્યા તમને કંટાળાજનક લાગશે. કોઈ પ્રસ્તાવને ફક્ત એટલા માટે ન અસ્વીકારો કારણ કે તે તમારી કલ્પના જેવો નથી. એક અણદેખાયો વિકલ્પ ધીમે ધીમે આકર્ષક લાગી શકે છે. કોઈ શાંત જગ્યાએ બેસીને તમારી પ્રાથમિકતાઓ વિશે વિચારો, તેનાથી બહારના ઘોંઘાટથી રાહત મળશે.
કરિયરઃ કરિયરમાં કંટાળો અનુભવાઈ શકે છે. રોજિંદા કામ તમને માનસિક રીતે થકવી શકે છે. કોઈ અલગ વિભાગ કે નવી જવાબદારીમાં રસ જાગી શકે છે.
લવઃ પ્રેમમાં ભાવનાત્મક નિરાશાનો અનુભવ થઈ શકે છે, પોતાની જાતને મજબૂર ન કરો. કપલ્સ વચ્ચે રોમાન્સની કમી અનુભવાઈ શકે છે; તેનું કારણ પ્રેમનો અભાવ નહીં પણ રોજિંદી દિનચર્યા હોઈ શકે છે.
સ્વાસ્થ્યઃ દિવસની શરૂઆત કોઈ મનપસંદ પ્રવૃત્તિથી કરો. રૂમની ગોઠવણી બદલવાથી પણ મૂડ સુધરી શકે છે.
લકી કલર: ડસ્ટી રોઝ
લકી નંબર: 5
વૃશ્ચિક – The Magician
આજે તમારી પાસે ઉપલબ્ધ સાધનો ધાર્યા કરતાં વધુ ઉપયોગી સાબિત થશે. કોઈ જૂની વસ્તુ કે માહિતી અચાનક કામ આવી શકે છે. તમારી વાતચીતમાં પ્રભાવ રહેશે અને લોકોને તમારી યોજના સમજાવવામાં સફળતા મળશે. કોઈ વિચારને વાસ્તવિક રૂપ આપવાની તક મળશે. કોઈ નવું કૌશલ્ય શીખવાની જરૂરિયાત અનુભવાશે અને શીખવાની ઝડપ પણ તીવ્ર રહેશે.
કરિયરઃ સેલ્સ, કમ્યુનિકેશન, ટ્રેનિંગ કે પ્રેઝન્ટેશન સાથે જોડાયેલા લોકોને વિશેષ લાભ મળશે. ટેકનિકલ ક્ષેત્રના લોકોને કોઈ જૂની સિસ્ટમનો વધુ સારો ઉપયોગ સૂઝશે.
લવઃ પ્રેમમાં તમારી વાતચીતની શૈલી આકર્ષણ વધારશે. સામાન્ય વિષયથી શરૂ થયેલી વાતચીત ઊંડી ચર્ચામાં બદલાઈ શકે છે. કપલ્સ કોઈ સમસ્યાનો વ્યવહારિક ઉકેલ લાવશે.
સ્વાસ્થ્યઃ કોઈ નિષ્ણાતની સલાહને તમારી દિનચર્યા મુજબ લાગુ કરવી સરળ રહેશે. ભોજન બનાવવાની શૈલી બદલવાનું મન થશે. માનસિક ઊર્જાને રચનાત્મક કામમાં લગાવો.
લકી કલર: લેવેન્ડર
લકી નંબર: 1
ધન – Eight of Swords
આજે કોઈ નિર્ણય લેતી વખતે બિનજરૂરી મર્યાદાઓ કે બંધનો અનુભવાઈ શકે છે. મુશ્કેલી બહારથી નાની હશે, પણ મન પર તેની અસર મોટી લાગશે. કોઈ જૂના નિયમને પડકારવાની ઈચ્છા થશે. તમારે તમારી સ્વતંત્ર વિચારસરણી પાછી મેળવવી પડશે. જે વિકલ્પને તમે અશક્ય માન્યો હતો, તે ફરી દેખાઈ શકે છે.
કરિયરઃ અરજી, મંજૂરી કે કાગળિયાંની ઔપચારિકતાઓ કામને ધીમું કરી શકે છે. નિયમોને સમજીને આગળ વધો. કોઈ સંસ્થાકીય માળખામાં કામ કરનારાઓએ વૈકલ્પિક પ્રક્રિયા શોધવી પડી શકે છે.
લવઃ પ્રેમમાં મન કોઈ ચોક્કસ નિષ્કર્ષ પર પહોંચતા ડરી શકે છે. કપલ્સ વચ્ચે કોઈ એક વિષય એવો હોઈ શકે છે જેને બંને ટાળી રહ્યા હોય; તેને ધીમેથી ચર્ચામાં લાવવો જરૂરી રહેશે.
સ્વાસ્થ્યઃ શરીર કરતાં વધુ માનસિક થાક તમારું ધ્યાન ખેંચશે. સતત નિર્ણયો લેવાથી મન ભારે થઈ શકે છે.
લકી કલર: ગ્રે
લકી નંબર: 4
મકર – Queen of Cups
આજે તમારી ભાવનાત્મક સમજણ ખૂબ જ સૂક્ષ્મ અને ઊંડી રહેશે. કોઈની પરેશાની શબ્દો વગર પણ અનુભવાઈ જશે. કોઈ અંગત વાતચીત તમને ઊંડેથી સ્પર્શી શકે છે. અંદર ઊઠતી ભાવનાઓને તરત દબાવો નહીં. રચનાત્મક કલ્પનાશક્તિ સક્રિય રહેશે. કોઈ જૂની યાદ સાથે જોડાયેલી વસ્તુ વિશેષ અર્થ રાખશે. તમને કોઈની માટે સહારો કે સુરક્ષિત સ્થાન બનવાની તક મળશે, છતાં યાદ રાખો કે દરેકની ભાવના તમારી જવાબદારી નથી.
કરિયરઃ કાઉન્સેલિંગ, ટીચિંગ, રાઇટિંગ, આર્ટ કે સર્વિસ સેક્ટર સાથે જોડાયેલા લોકોને ઊંડો પ્રભાવ પાડવાની તક મળશે.
લવઃ આકર્ષણ શબ્દો કરતાં વર્તનમાં વધુ દેખાશે. કપલ્સ એકબીજાની મનની સ્થિતિ ઝડપથી સમજી શકશે. કોઈ અંગત ચિંતા શેર કરવાથી નિકટતા વધશે. પરિણિત લોકોને સાથી સાથે જૂના સ્વપ્નો યાદ કરવાની તક મળશે.
સ્વાસ્થ્યઃ શાંત વાતાવરણ તમને ઝડપથી રિલેક્સ કરશે. સુગંધ, સંગીત કે ધીમો પ્રકાશ મનને શાંતિ આપશે.
લકી કલર: યલો
લકી નંબર: 3
કુંભ – The Star
આજે ભવિષ્યને લઈને એક શાંત વિશ્વાસ જાગશે. કોઈ દૂરનું લક્ષ્ય અચાનક શક્ય લાગવા માંડશે. કોઈ પ્રેરણાદાયી વ્યક્તિની કહાની તમને નવી દિશા આપશે. લાંબા સમયથી છોડી દીધેલી કલ્પના ફરી જીવંત થઈ શકે છે. તમારી ક્ષમતાનું આંકલન માત્ર વર્તમાન સ્થિતિ પરથી ન કરો. એક નાની સિદ્ધિ તમારા આત્મવિશ્વાસને નવું રૂપ આપશે. આશા માત્ર ભાવના નથી, પણ આગળનું પગલું ભરવાની શક્તિ બનશે.
કરિયરઃ ઓનલાઈન પ્લેટફોર્મ, પબ્લિકેશન કે પબ્લિક પ્રેઝન્ટેશનથી નવી ઓળખ મળી શકે છે. તમારો પોર્ટફોલિયો વધુ આકર્ષક બનાવવો ઉપયોગી થશે.
લવઃ પ્રેમમાં આશાની કોમળ ઊર્જા રહેશે. સિંગલ લોકોને કોઈ એવી વ્યક્તિનો સંપર્ક મળી શકે છે જે તેમના વિચારોનો આદર કરે; સંબંધની શરૂઆત મિત્રતાથી થઈ શકે છે.
સ્વાસ્થ્યઃ અંદરથી તાજગી અનુભવાશે. મન કોઈ સકારાત્મક લક્ષ્ય સાથે જોડાવા ઈચ્છશે. સવારનો કુદરતી તડકો તમારી દિનચર્યાને વધુ સારી બનાવશે.
લકી કલર: કેરેમલ
લકી નંબર: 7
મીન – Two of Cups
આજે કોઈ વ્યક્તિ સાથે વિચારોનો સુંદર મેળ બેસશે. એક વાચચીત ઔપચારિક હોવા છતાં દિલ સુધી પહોંચશે. તમને કોઈની સાથે સમાન રસ-રુચિ વિશે ખબર પડશે. પરસ્પર સહયોગ સરળ લાગશે. કોઈ નવો પરિચય આગળ જતાં મહત્વપૂર્ણ બની શકે છે. તમારી વાત વધુ સમજાવ્યા વગર સામેવાળા સમજી જશે. સાચી સંગત તમને તમારા પોતાના વિશે પણ કંઈક નવું શીખવશે.
કરિયરઃ કોઈ નિષ્ણાત સાથે કામ કરવાની તક મળશે. સંયુક્ત રજૂઆત કે સહયોગી પ્રોજેક્ટમાં તમારી ભૂમિકા પ્રભાવશાળી રહેશે.
લવઃ પ્રેમ માટે ભાવનાત્મક તાલમેલ વિશેષ રહેશે. વાતચીતમાં સહજતા રહેશે. કપલ્સ પોતાની કોઈ જૂની મનપસંદ પ્રવૃત્તિ ફરી સાથે જીવી શકે છે. પરિણિત લોકો વચ્ચે જવાબદારીઓની વહેંચણી વધુ સારી રીતે થશે.
સ્વાસ્થ્યઃ હાસ્ય અને હળવી વાતચીત માનસિક ભાર હળવો કરશે. ભોજન કોઈ નજીકની વ્યક્તિ સાથે શાંત વાતાવરણમાં લેવું સુખદ રહેશે.
લકી કલર: ચારકોલ
લકી નંબર: 8