ગ્લોબલ માર્કેટમાં સુધરેલા સેન્ટિમેન્ટને કારણે ગયા અઠવાડિયે દેશની ટોપ-10 સૌથી વેલ્યુએબલ કંપનીઓમાંથી 9નું માર્કેટ કેપ કુલ 2.15 લાખ કરોડ રૂપિયા વધ્યું છે. આ તેજી વચ્ચે ભારતી એરટેલ ટોપ ગેનર રહી. કંપનીની વેલ્યુએશન 52,432 કરોડ રૂપિયા વધીને 11.63 લાખ કરોડ રૂપિયા પર પહોંચી ગઈ.
LIC બીજા નંબર પર રહી. તેના માર્કેટ કેપમાં 51,675 કરોડ રૂપિયાનો વધારો થયો, જેનાથી તેની કુલ વેલ્યુએશન 5.56 લાખ કરોડ રૂપિયા થઈ છે. બજાજ ફાઇનાન્સ, રિલાયન્સ, લાર્સન એન્ડ ટુબ્રો, SBI, HDFC બેંક, હિન્દુસ્તાન યુનિલિવર અને ICICI બેંકની વેલ્યુ વધી છે. ફક્ત TCSની વેલ્યુ ઘટી છે.
માર્કેટ સેન્ટિમેન્ટ સુધરવાના 3 મુખ્ય કારણો
ઓનલાઈન ટ્રેડિંગ અને વેલ્થ ટેક ફર્મ ‘એનરિચ મની’ના CEO પોનમુડી આર અનુસાર, આ અઠવાડિયે ભારતીય શેરબજારે તેની રિકવરીને આગળ વધારી છે.
માર્કેટ કેપની દ્રષ્ટિએ રિલાયન્સ ઇન્ડસ્ટ્રીઝ હજુ પણ દેશની સૌથી વેલ્યુએબલ સ્થાનિક કંપની બની રહી છે. ત્યારબાદ HDFC બેંક, ભારતી એરટેલ, ICICI બેંક, સ્ટેટ બેંક ઓફ ઇન્ડિયા, TCS, બજાજ ફાઇનાન્સ, લાર્સન એન્ડ ટુબ્રો, LIC અને હિન્દુસ્તાન યુનિલિવરનો નંબર આવે છે.
ગયા અઠવાડિયે સેન્સેક્સ 1.68% વધ્યો હતો
ગયા અઠવાડિયે સેન્સેક્સ 1,274.95 પોઈન્ટ એટલે કે 1.68% વધ્યો હતો. જ્યારે શુક્રવારે સેન્સેક્સ લગભગ 607 પોઈન્ટ ઘટીને 76,802ના સ્તરે બંધ થયો હતો. નિફ્ટીમાં પણ 154 પોઈન્ટનો ઘટાડો જોવા મળ્યો હતો, તે 24,013ના સ્તરે બંધ થયો હતો.