મુંબઈમાં શનિવારે આયોજિત એક ફિલ્મ ફેસ્ટિવલમાં સલમાન ખાન, ડિરેક્ટર ડેવિડ ધવન અને વરુણ ધવન સાથે હાજર રહ્યો. PVR આઇનોક્સના આ ઇવેન્ટમાં સલમાન ખાને વરુણ ધવનની આગામી ફિલ્મ ‘હૈ જવાની તો ઇશ્ક હોના હૈ’માં તેના આઇકોનિક ગીત ‘ચુનરી ચુનરી’ને રીક્રિએટ કરવા બદલ મજાકમાં તેની મજાક ઉડાવી. સલમાનની આ વાત પર વરુણ શરમાઈ ગયો. હવે આ વાતચીતના વીડિયો સામે આવ્યા છે.
કાર્યક્રમ દરમિયાન માહોલ તે સમયે વધુ મજેદાર બની ગયો જ્યારે સલમાન ખાને ત્યાં હાજર લોકો સામે વરુણ ધવનની મજાક ઉડાવી. સલમાને વરુણ તરફ ઇશારો કરતા કહ્યું, “તેણે મારું વધુ એક ગીત લઈ લીધું.” સલમાનની આ વાત સાંભળીને વરુણ ધવન શરમાઈ ગયો અને હસવા લાગ્યો. તેણે હાથ જોડીને સલમાનને કહ્યું, “ભાઈ રહેવા દો.”
PVR આઇનોક્સે ડિરેક્ટર ડેવિડ ધવનની સિનેમેટિક સફરના સન્માનમાં આ ખાસ ફિલ્મ ફેસ્ટિવલનું આયોજન કર્યું હતું. ઇવેન્ટમાં સલમાન ખાન બ્લેક ટી-શર્ટ, લેધર જેકેટ અને ડેનિમ જીન્સ પહેરીને પહોંચ્યો હતો. તેનો આ લુક ચાહકોને 1990ના દાયકાના અંતિમ અને 2000ના દાયકાના શરૂઆતના સમયગાળાની યાદ અપાવી રહ્યો હતો. ઇવેન્ટના ઘણા વીડિયો સોશિયલ મીડિયા પર આવ્યા છે, જેમાં ડેવિડ ધવન અને વરુણ ધવન પોતે સલમાનને વેન્યુની અંદર લઈ જતા દેખાઈ રહ્યા છે. ત્રણેયે મીડિયાના કેમેરા સામે ઘણા પોઝ પણ આપ્યા.