12 રાજ્યોની 26 રાજ્યસભા બેઠકો પર 18 જૂને ચૂંટણી યોજાશે. ચૂંટણી પંચ (EC)એ શુક્રવારે આ જાહેરાત કરી. આ ચૂંટણીમાં NDAને રાજ્યસભાની એક બેઠક ગુમાવવી પડી શકે છે, જ્યારે કોંગ્રેસના નેતૃત્વ હેઠળના વિપક્ષને ત્રણ બેઠકોનો ફાયદો થવાની અપેક્ષા છે.
જે કુલ 26 બેઠકો પર ચૂંટણી યોજાઈ રહી છે, તેમાંથી NDA પાસે હાલમાં 18 (આંધ્ર પ્રદેશમાંથી 1, ગુજરાતમાંથી 4, કર્ણાટકમાંથી 3, રાજસ્થાન-મધ્ય પ્રદેશમાંથી 2-2, ઝારખંડ, મણિપુર, મેઘાલય, અરુણાચલ, મહારાષ્ટ્ર અને તમિલનાડુમાંથી એક-એક બેઠક) છે. જ્યારે કોંગ્રેસ ગઠબંધન પાસે 5 બેઠકો છે. જ્યારે અન્ય ત્રણ બેઠકો YSRCPના ખાતામાં છે.
આ ચૂંટણીઓમાં NDA ને 17 બેઠકો મળવાની સંભાવના છે, જ્યારે કોંગ્રેસને પાંચ, JMM ને બે અને TVK ને એક બેઠક મળવાની અપેક્ષા છે. એક બેઠક મિઝોરમમાં ઝોરમ પીપલ્સ મૂવમેન્ટ જીતી શકે છે. YSRCP તેની ત્રણેય બેઠકો ગુમાવી શકે છે.
244 સભ્યોવાળા ઉપલા ગૃહમાં NDA પાસે હાલમાં 149 સાંસદો છે, જ્યારે વિપક્ષ પાસે 78 અને બિન-ગઠબંધનવાળા પ્રાદેશિક પક્ષો પાસે 17 સાંસદો છે.