ભારતીય શેરબજારમાં આજે એટલે કે બુધવાર, 6 મેના રોજ તેજી જોવા મળી. સેન્સેક્સ 941 પોઈન્ટના ઉછાળા સાથે 77,959 ના સ્તરે બંધ થયો. નિફ્ટીમાં પણ 298 પોઈન્ટનો ઉછાળો રહ્યો, તે 24,331 પર બંધ થયો.
સેન્સેક્સના 30 શેરોમાંથી 21માં તેજી અને 9માં ઘટાડો જોવા મળ્યો. ઓટો, ફાઇનાન્સિયલ સર્વિસિસ, ફાર્મા, બેન્કિંગ અને રિયલ્ટી શેરોમાં 2% થી વધુનો વધારો રહ્યો.
શેરબજારમાં તેજીના ત્રણ મોટા કારણો
મિડલ-ઈસ્ટમાં શાંતિની આશા: અમેરિકા અને ઈરાન વચ્ચે યુદ્ધવિરામને લઈને સકારાત્મક સમાચાર આવી રહ્યા છે. અમેરિકી રાષ્ટ્રપતિ ટ્રમ્પ દ્વારા શાંતિ સમજૂતીના સંકેત આપવાથી રોકાણકારોનો વિશ્વાસ વધ્યો છે.
ક્રૂડ ઓઈલના ભાવમાં ઘટાડો: તણાવ ઓછો થવાની આશા અને સ્ટ્રેટ ઓફ હોર્મુઝમાંથી જહાજોની અવરજવર શરૂ કરવાના પ્રોજેક્ટ ફ્રીડમની જાહેરાતથી ક્રૂડ ઓઈલના ભાવ 110 ડોલરથી નીચે આવી ગયા છે, જે ભારત જેવા તેલ આયાતકાર દેશ માટે મોટી રાહત છે.
વૈશ્વિક બજારોમાં મજબૂતી: અમેરિકી બજારો (S&P 500 અને Nasdaq) રેકોર્ડ હાઈ પર બંધ થવા અને એશિયન બજારો જેવા કે – કોસ્પી (સાઉથ કોરિયા), નિક્કેઈ (જાપાન) અને હેંગસેંગ (હોંગકોંગ) માં તેજીની અસર ભારતીય બજાર પર પણ જોવા મળી છે.