ગોંડલના વાસાવડમાં શાકમાર્કેટ નજીક આવેલા સરદાર સીઝન સ્ટોરમાં આગ લાગી હતી. પ્રાથમિક તપાસ મુજબ, દુકાનમાં વેલ્ડિંગ કામ ચાલી રહ્યું હતું ત્યારે તણખા ઉડવાથી આગ લાગી હોવાનું મનાય છે.
દુકાનમાં પ્લાસ્ટિકના રમકડાં, પીવીસીનો સામાન અને ફટાકડાનો મોટો જથ્થો રાખવામાં આવ્યો હતો. વેલ્ડિંગના તણખા નીચે પડેલા ફટાકડાના જથ્થા પર પડતાં તે એકાએક સળગી ઉઠ્યો હતો, જેના કારણે અન્ય પ્લાસ્ટિકનો સામાન પણ આગની ઝપેટમાં આવી ગયો.