મુંબઈ ઈન્ડિયન્સે પોતાનો સૌથી સફળ રન ચેઝ કર્યો છે અને IPLમાં 13 વર્ષ બાદ પોતાની પ્રથમ મેચ જીતી લીધી છે. વાનખેડે સ્ટેડિયમમાં રવિવારે ટીમે કોલકાતા નાઈટ રાઈડર્સને 6 વિકેટથી હરાવ્યું છે. ટૉસ હારતા પહેલા બેટિંગ કરવા ઉતરેલી KKRએ 4 વિકેટ ગુમાવીને 220 રન બનાવ્યા હતા. MIએ 19.1 ઓવરમાં 4 વિકેટના નુકસાન પર જ આ ટાર્ગેટ ચેઝ કરી લીધો હતો.
રોહિત શર્માએ 78 અને રાયન રિકેલટને 81 રન બનાવ્યા હતા. શાર્દૂલ ઠાકુરે 3 વિકેટ ઝડપી હતી. કોલકાતા માટે અજિંક્ય રહાણેએ 67 અને અંગક્રિષ રઘુવંશીએ 51 રન બનાવ્યા હતા. વૈભવ અરોરા, સુનીલ નારાયણ અને કાર્તિક ત્યાગીએ 1-1 વિકેટ લીધી હતી.
મુંબઈએ 2012માં છેલ્લીવાર ટુર્નામેન્ટમાં પોતાની પ્રથમ મેચ જીતી હતી. ત્યારે ટીમે ચેન્નઈ સુપર કિંગ્સને હરાવ્યું હતું. મુંબઈનો સર્વશ્રેષ્ઠ રન ચેઝ પણ CSK વિરુદ્ધ જ 2021માં આવ્યો હતો. ત્યારે ટીમે 219 રન ચેઝ કર્યા હતા. હવે MIએ આ બંને રેકોર્ડમાં સુધારો કરી લીધો છે.