2025ની હુરુન ઈન્ડિયા મોસ્ટ વેલ્યુએબલ ફેમિલી બિઝનેસની યાદીમાં અંબાણી પરિવાર ટોચ પર છે. તેમના બિઝનેસની વેલ્યુએશન 28 લાખ કરોડ રૂપિયા સુધી પહોંચી ગયું છે, જે ભારતના જીડીપીના લગભગ બારમા ભાગ જેટલું છે.
કુમાર મંગલમ બિરલા પરિવાર આ યાદીમાં બીજા નંબરે છે. તેમના બિઝનેસની વેલ્યુએશન 1.1 લાખ કરોડ રૂપિયા વધીને 6.5 લાખ કરોડ રૂપિયા થયું છે. જિંદાલ પરિવાર પણ ટોચના ત્રણમાં સ્થાન પામ્યો છે. તેમનું બિઝનેસ વેલ્યુએશન 5.7 લાખ કરોડ રૂપિયા છે. તેમાં 1 લાખ કરોડ રૂપિયાનો વધારો થયો છે.
હુરુન ઈન્ડિયાએ ભારતના સૌથી મૂલ્યવાન ‘પ્રથમ પેઢી’ કૌટુંબિક વ્યવસાયો પર એક અહેવાલ પણ બહાર પાડ્યો છે. ગૌતમ અદાણીનું અદાણી ગ્રુપ આમાં પ્રથમ ક્રમે છે. અદાણીના બિઝનેસની વેલ્યુએશન 14 લાખ કરોડ રૂપિયા છે.
આ યાદીમાં પૂનાવાલા પરિવાર બીજા નંબરે છે. તેમના બિઝનેસની વેલ્યુએશન 2.3 લાખ કરોડ રૂપિયા છે. દિવી પરિવાર 1.8 લાખ કરોડ રૂપિયાના મૂલ્યાંકન સાથે ત્રીજા નંબરે છે.