સુરતમાં વધુ એક આગની ઘટના બની છે. શહેરના ફોર્ચ્યુન મોલમાં આગ લાગી હતી. મોલમાં આવેલા અમૃતયા સ્પા એન્ડ જીમમાં આગને પગલે 2 મહિલાના મોત થયા છે. ઘટનાની જાણ થતાં ફાયર બ્રિગેડની ટીમ ઘટના સ્થળે દોડી ગઈ હતી. ફાયરની ટીમે પાણીનો મારો ચલાવીને આગને કાબૂમાં લેવા પ્રયાસ હાથ ધર્યા છે.
ફાયર વિભાગના કહેવા મુજબ ઘટના સમયે જીમ બંધ હતું અને સ્પા ચાલુ હતું. અગાઉ નોટિસ આપવામાં આવી હતી. જોકે, આ નોટિસ ક્યા કારણોસર આપવામાં આવી છે તે અંગે ખુલાસો કરવામાં આવ્યો નથી. હાલ શોર્ટસર્કિટના કારણે આગ લાગી હોવાનું સામે આવ્યું છે.