ગોંડલ સ્ટેશન પ્લોટ વિસ્તાર શેરી નંબર 15માં ગત 22 જૂનની સાંજે 7.30 વાગ્યા આસપાસ એક CCTVમાં દીપડો દેખાયા હોવાની વાતો વહેતી થઈ હતી. જેમના પગલે સ્ટેશન પ્લોટ વિસ્તારમાં સ્થાનિક રહેવાસીઓમાં ભયનો માહોલ જોવા મળ્યો હતો. 22 જૂનની રાત્રે લોકો ઘર બહાર નીકળ્યા હતા. ફોરેસ્ટ વિભાગ અને પોલીસ ઘટના સ્થળે પહોંચ્યા હતા.
ગોંડલ સ્ટેશન પ્લોટ વિસ્તારમાં દીપડો હોવાની વાતો વાયુ વેગે ફેલાતા શહેરીજનોમાં ભયનો માહોલ જોવા મળ્યો હતો. ગોંડલ RFO દીપકસિંહ જાડેજા, ફોરેસ્ટર એચ.એમ.જાડેજા, સહદેવસિંહ જાડેજા અને ગોંડલની ટ્રેકર ટીમ દ્વારા સતત ત્રણ દિવસ અને રાત્રિના આસપાસની સોસાયટીમાં અને સ્થળ તપાસ કરતા વન્ય પ્રાણીના ફૂટ માર્ક (પગના નિશાન) જોવા મળ્યા ન હતા. સ્ટેશન પ્લોટ સહિતની આસપાસની સોસાયટીમાં જૂનવાણી બંધ મકાનોમાં ફોરેસ્ટ વિભાગ અને ટ્રેકર ટીમ દ્વારા તપાસ કરવામાં આવી હતી ક્યાંય પણ કશું દેખાયું ન હતું.