રાજકોટ મનપાની દબાણ હટાવ શાખા દ્વારા શહેરમાં જુદી જુદી જગ્યાએ જાહેર માર્ગો પર દબાણ રૂપ એવા રેકડી-કેબીન, અન્ય ચીજવસ્તુઓ, શાકભાજી-ફળો જપ્તી તેમજ પશુઓને આપવામાં આવતું લીલું, બોર્ડ-બેનરો વગેરે જપ્ત કરવાની કામગીરી કરવામાં આવી હતી. જેમાં જ્યુબિલી માર્કેટ, જામનગર રોડ, ગુંદાવાડી, ગાયત્રીનગર મેઈન રોડ,આહીર ચોક મવડી મેઈન રોડ,પુષ્કરધામ મેઈન રોડ સહિતના વિસ્તારમાંથી 38 રેકડી-કેબીન જપ્ત કરવામાં આવી હતી. આ સાથે જ જ્યોતિનગર,નાણાવટી ચોક, પંચાયત ચોક, ગોવિંદ બાગ, નાના મૌવા મેઈન રોડ સહિતના વિસ્તારોમાંથી 255 બોર્ડ બેનરો અને 181 પરચૂરણ ચીજવસ્તુઓને જપ્ત કરવામાં આવી હતી અને 24,500 વહીવટી ચાર્જ વસૂલ કરવામાં આવ્યો હતો.