ICCએ 2027 વન-ડે વર્લ્ડ કપ ક્વોલિફાયરની તારીખો નક્કી કરી દીધી છે. 10 ટીમની આ ટુર્નામેન્ટ આવતા વર્ષે 21 ફેબ્રુઆરીથી 23 માર્ચ સુધી રમાશે. જોકે, તેની યજમાની કયા દેશમાં થશે, તેનો નિર્ણય હજુ થયો નથી. આ વખતે ટુર્નામેન્ટનું ફોર્મેટ પણ બદલવામાં આવ્યું છે.
ICCએ જુલાઈમાં 2027 વર્લ્ડ કપનું નવું ફોર્મેટ જાહેર કર્યું હતું. તે અંતર્ગત ક્વોલિફાયર જીતનારી ટીમ 14 ટીમવાળા વર્લ્ડ કપના મુખ્ય ગ્રુપમાં સીધી પહોંચશે.
જ્યારે, બીજા, ત્રીજા અને ચોથા સ્થાને રહેનારી ટીમ વર્લ્ડ કપના પહેલા રાઉન્ડ ‘સુપર સિરીઝ’માં રમશે. અહીં ટોચ પર રહેનારી એક ટીમ મુખ્ય સ્ટેજની 12 ટીમમાં સ્થાન બનાવશે.
2027 વન-ડે વર્લ્ડ કપનું આયોજન 4 ઓક્ટોબરથી 11 નવેમ્બર સુધી સાઉથ આફ્રિકા, ઝિમ્બાબ્વે અને નામિબિયામાં થશે. ટુર્નામેન્ટની મેચ 12 અલગ-અલગ સ્ટેડિયમમાં રમાશે.