પીએમ મોદીએ ગુરુવારે રાત્રે ઇન્સ્ટાગ્રામ પર દેશના હેન્ડીક્રાફ્ટ સંબંધિત એક રીલ શેર કરી. તેમણે કહ્યું- ‘સાથીઓ, 7 ઓગસ્ટ 1905નો દિવસ આપણે ભૂલવો ન જોઈએ. આ દિવસે દેશની આઝાદી માટે સ્વદેશી આંદોલનનો પ્રારંભ થયો હતો. અંગ્રેજો વિરુદ્ધ દેશવાસીઓએ ખૂબ મોટી લડાઈ લડી હતી. જન-જન જોડાઈ ગયો હતો. હમણાં ગયા અઠવાડિયે તમે બધાએ ફ્રેન્ડશિપ ડે ઉજવ્યો.’
પીએમએ કહ્યું- “હું આજે આગ્રહ કરું છું કે 7 ઓગસ્ટ હેન્ડલૂમ ડે હોય છે. આપણે એટલા જ ઉત્સાહ અને ઉમંગ સાથે હેન્ડલૂમ ડે ઉજવવાનો છે. હેન્ડલૂમ ડે ઉજવવાનો અર્થ છે કે દરેક ગરીબ વણકર પરિવાર, જે પોતાના હાથથી કપડાં બનાવે છે. ઘરોમાં લૂમ પર કામ કરે છે.”
વીડિયોમાં પીએમ કહી રહ્યા છે- ‘તમે પણ હેન્ડલૂમની આ વેરાયટી સાથે GRWM વીડિયો બનાવીને દુનિયા સામે તમારી વાત રજૂ કરી શકો છો. હેન્ડલૂમ ખરીદવા માટે લોકોને પ્રેરિત કરી શકો છો. અમારું કામ છે આત્મનિર્ભર ભારત બનાવવા માટે આ નાના-નાના ગરીબ પરિવારોને પણ આર્થિક રીતે સમૃદ્ધ કરવા.’
મોદીએ અપીલ કરી- ‘ચાલો આપણે પોતે હેન્ડલૂમમાંથી કંઈક ને કંઈક ખરીદીએ. તેનો એક વીડિયો બનાવીએ અને દેશ-દુનિયામાં તે વીડિયોનો પ્રચાર કરીએ. જેથી આપણા વણકર પરિવારોના સામર્થ્યનો પરિચય દુનિયાને પણ થાય. ચાલો 7 ઓગસ્ટ હેન્ડલૂમ ડે ઉજવીએ.’