વ્હાઇટ હાઉસ… અમેરિકાનું રાષ્ટ્રપતિ ભવન, જ્યાં દુનિયાના મોટા-મોટા નેતાઓ આવ્યા, ઇતિહાસના ઘણા મોટા નિર્ણયો થયા. પરંતુ હવે ત્યાં કંઈક એવું થવા જઈ રહ્યું છે, જેને જોઈને આખી દુનિયા આશ્ચર્યચકિત છે. અમેરિકાના રાષ્ટ્રપતિ ડોનાલ્ડ ટ્રમ્પે વ્હાઇટ હાઉસના મોટા ગાર્ડનમાં એક વિશાળ “કેજ ફાઇટ” એરેના બનાવડાવ્યું છે. અહીં મંગળવારે મોટા-મોટા ક્રેન લોખંડના વિશાળ માળખા લગાવતા દેખાયા.
આ બધું 14 જૂને યોજાનાર યુએફસી (UFC) ઇવેન્ટ માટે કરવામાં આવી રહ્યું છે, જે ટ્રમ્પના 80મા જન્મદિવસ પર આયોજિત થશે. એટલે કે ટ્રમ્પના શોખ નવાબી દેખાઈ રહ્યા છે. પહેલા જેમ રાજા પોતાના જન્મદિવસ પર પહેલવાનોને લડાવતા હતા અને આનંદ લેતા હતા, તેવું જ ટ્રમ્પ કરવાના છે. આના માટે ટ્રમ્પ 6 કરોડ ડોલર (ભારતીય 575 કરોડ રૂપિયા)નો ખર્ચ કરશે
આ મહિનાની શરૂઆતમાં ઓવલ ઓફિસમાં થયેલા એક કાર્યક્રમમાં ટ્રમ્પે કહ્યું હતું, “અમે એક ખૂબ મોટી ફાઇટ કરાવવા જઈ રહ્યા છીએ. આવું પહેલા ક્યારેય થયું નથી, અને કદાચ ફરી ક્યારેય નહીં થાય.” તે સમયે તેમની સાથે આ ઇવેન્ટમાં ભાગ લેનારા ચાર ફાઇટર્સ પણ હાજર હતા.
ટ્રમ્પે યુએફસીના પ્રખ્યાત “ઓક્ટેગન”ની તસવીર પણ બતાવી. આ આઠ ખૂણાવાળી ફાઇટિંગ રિંગ હોય છે, જેના ચારેય તરફ લોખંડની જાળી લાગેલી હોય છે. તેની પાછળ વ્હાઇટ હાઉસ દેખાઈ રહ્યું હતું અને આસપાસ દર્શકોના બેસવાની વ્યવસ્થા હતી.
અબજોપતિ રિપબ્લિકન નેતા ટ્રમ્પનું કહેવું છે કે લગભગ 4,500 લોકો સીધા લૉનમાં બેસીને મેચ જોઈ શકશે. જ્યારે વ્હાઇટ હાઉસની બહાર મોટી સ્ક્રીન લગાવવામાં આવશે, જ્યાં લગભગ 1 લાખ લોકો મફતમાં આ મુકાબલો જોઈ શકશે.