રોયલ ચેલેન્જર્સ બેંગલુરુએ બુધવારે રમાયેલી IPL મેચમાં કોલકાતા નાઈટ રાઈડર્સને 6 વિકેટે હરાવ્યું. આ જીત સાથે બેંગલુરુ પોઇન્ટ્સ ટેબલમાં ટોચ પર પહોંચી ગયું છે.
રાયપુરના શહીદ વીર નારાયણ સિંહ સ્ટેડિયમમાં ટૉસ હારતા પહેલા બેટિંગ કરવા ઉતરેલી કોલકાતાએ 20 ઓવરમાં 4 વિકેટ ગુમાવીને 192 રન બનાવ્યા હતા. જવાબમાં બેંગલુરુએ 19.1 ઓવરમાં 4 વિકેટ ગુમાવીને ટાર્ગેટ ચેઝ કરી લીધો હતો.
બેંગલુરુ માટે વિરાટ કોહલીએ અણનમ 105 રનની મેચ વિનિંગ ઇનિંગ રમી, જેમાં 11 ચોગ્ગા અને 3 છગ્ગા સામેલ હતા. દેવદત્ત પડિકલે 39 રન બનાવ્યા, જ્યારે જેકબ બેથેલે 15 રનનું યોગદાન આપ્યું. અંતમાં જિતેશ શર્મા 8 રન બનાવીને અણનમ રહ્યો. કોલકાતા તરફથી કાર્તિક ત્યાગીએ સૌથી વધુ 3 વિકેટ ઝડપી, જ્યારે સુનીલ નારાયણને 1 સફળતા મળી.