ઓનલાઈન ફૂડ ડિલિવરી કંપની Zomatoએ તેની ઈન્ટરસિટી સર્વિસ Legends બંધ કરી દીધી છે. આ સમાચાર પછી, કંપનીના શેરમાં આજે લગભગ 4%નો વધારો થયો છે. તે રૂ.10 વધીને રૂ.268 પર ટ્રેડ કરી રહ્યો છે.
ઇન્ટરસિટી લિજેન્ડ્સ એવા સમયે બંધ કરવામાં આવ્યું છે જ્યારે ઝોમેટો તેની આવક વધારવા અને બજારમાં તેની સ્થિતિ મજબૂત કરવા અન્ય ઘણા ક્ષેત્રોમાં રોકાણ કરી રહી છે.
ઇન્ટરસિટી લિજેન્ડ્સ 2022માં લોન્ચ કરવામાં આવી હતી. તે સમયે કોઈ લઘુત્તમ ઓર્ડર મર્યાદા ન હતી, પરંતુ નફાકારકતા વધારવા માટે, કંપનીએ લઘુત્તમ ઓર્ડર મર્યાદા વધારીને રૂ. 5,000 કરી હતી. તેમ છતાં કંપનીને આ પ્રોજેક્ટમાંથી કોઈ ફાયદો થતો ન હતો.
આ પહેલો પ્રોજેક્ટ નથી કે ઝોમેટોએ તેને શરૂ કર્યા પછી બંધ કરી દીધું હોય. આ પહેલા પણ કંપનીએ તેની લોજિસ્ટિક્સ સર્વિસ ‘એક્સ્ટ્રીમ’ બંધ કરી દીધી હતી. આ સેવા વેપારીઓને નાના પાર્સલ મોકલવા અને પ્રાપ્ત કરવાની મંજૂરી આપે છે.